ABN
, Publish Date – Apr 11 , 2025 | 06:40 AM
కేంద్ర సహాయ మంత్రి శ్రీనివాస వర్మ తణుకులో కారుమూరిపై తీవ్ర వ్యాఖ్యలు చేశారు. “చిటికిన వేలితో లేపే సామర్థ్యం మాకు ఉంది” అంటూ వార్నింగ్ ఇచ్చారు
తణుకు, ఏప్రిల్‌ 10(ఆంధ్రజ్యోతి): ‘నిన్ను చిటికిన వేలితో లేపేసే సామర్థ్యం మాకు ఉంది.. గుర్తుపెట్టుకో కారుమూరీ’ అని కేంద్ర ఉక్కు శాఖ సహాయమంత్రి భూపతిరాజు శ్రీనివాస వర్మ హెచ్చరించారు. పశ్చిమ గోదావరి జిల్లా తణుకులో ఎమ్మెల్యే ఆరిమిల్లి రాధాకృష్ణ క్యాంపు కార్యాలయంలో ఆయన మీడియాతో మాట్లాడారు. ఇటీవల వివాదాస్పద వ్యాఖ్యలు చేసిన మాజీ మంత్రి కారుమూరి నాగేశ్వరరావుపై ఆగ్రహం వ్యక్తం చేశారు. ‘మేం కనుక నీ భాష ఉపయోగిస్తే.. సాయంత్రానికి నువ్వుండవు గుర్తుపెట్టుకో. తణుకులో టీడీఆర్‌ కుంభకోణం గురించి అందరికీ తెలుసు. ఎప్పుడో అధికారంలోకి వస్తానని పగటి కలలు కంటున్నావు. ఈలోగా నువ్వు బొక్కలోకిపోతావు. మీ నాయకుడు అసెంబ్లీకి రాడు. నువ్వు ప్రజల్లోకి రావు. కార్యకర్తల సమావేశాల్లో మాత్రం రెచ్చిపోతారు. చప్పట్లు కొడతారని రెచ్చిపోతే నిన్ను చిటికిన వేలితో లేపేసే సామర్థ్యం మాకుందనే విషయం గుర్తుపెట్టుకో’ అని వార్నింగ్ ఇచ్చారు.
Updated Date – Apr 11 , 2025 | 06:40 AM
