టీ20 ఫార్మాట్‌లో ముంబై ఇండియన్స్ తరఫున అత్యధిక సిక్సర్లు బాదిన ఆటగాడిగా రోహిత్ శర్మ కొత్త చరిత్ర సృష్టించాడు. జయదేవ్ ఉనద్కట్‌పై ఒక సిక్స్ కొట్టి, తనే ముంబై తరపున అత్యధిక సిక్సర్లు బాదిన ఆటగాడిగా నిలిచాడు. ఇప్పటివరకు రోహిత్ ముంబై తరఫున మొత్తం 259 సిక్సర్లు బాదాడు, అందులో ఐపీఎల్‌తో పాటు ఛాంపియన్స్ లీగ్ మ్యాచ్‌లు కూడా ఉన్నాయి. దీంతో అతను గతంలో 258 సిక్సర్లతో అగ్రస్థానంలో ఉన్న కీరన్ పొలార్డ్‌ను అధిగమించాడు. ఈ జాబితాలో సూర్యకుమార్ యాదవ్ 127 సిక్సర్లతో మూడవ స్థానంలో ఉండగా, హార్దిక్ పాండ్యా 115 సిక్సర్లతో నాల్గవ స్థానంలో ఉన్నాడు. ఐదవ స్థానంలో 106 సిక్సర్లతో ఇషాన్ కిషన్ ఉన్నాడు, అయితే ప్రస్తుతం అతను సన్‌రైజర్స్ హైదరాబాద్ తరపున ఆడుతున్నాడు.
రోహిత్ శర్మ ఇప్పటివరకు 12,000కి పైగా టీ20 పరుగులు సాధించడంతో పాటు, వరుసగా అద్భుతమైన ఇన్నింగ్స్‌లు ఆడుతూ, తన ఫామ్‌కి తిరిగి వచ్చినట్టు చూపించాడు. అతని ఫామ్ ముంబై ఇండియన్స్ జట్టును తిరిగి ట్రాక్‌లోకి తీసుకొచ్చింది. ఈ సీజన్‌లో వరుసగా 4 విజయాలు నమోదు చేసిన ముంబై జట్టు, ఇప్పుడు చాలా ప్రమాదకరంగా కనిపిస్తోంది. రోహిత్ శర్మ మాజీ కెప్టెన్‌గా జట్టును నడిపిస్తూ నాలుగో విజయాన్ని కూడా సాధించాలని చూస్తున్నాడు. ఐదుసార్లు ఛాంపియన్‌గా నిలిచిన ముంబై జట్టు ఈసారి కూడా ఐపీఎల్ 2025 ప్లేఆఫ్‌ల రేసులో శక్తివంతంగా కనిపిస్తోంది.
హైదరాబాద్‌లో జరిగిన SRH vs MI మ్యాచ్‌లో ముంబై జట్టు పూర్తి ఆధిపత్యాన్ని ప్రదర్శించింది. మ్యాచ్ ఆరంభం నుంచే MI కొత్త బాల్ బౌలర్లు అద్భుత ప్రదర్శన చేశారు. ట్రెంట్ బౌల్ట్ తన నాలుగు వికెట్లతో విజయం పునాది వేసాడు. SRH జట్టు కేవలం 40 పరుగుల లోపే ఐదు కీలక వికెట్లు కోల్పోయింది. ఈ ప్రదర్శనతో ముంబై ఇండియన్స్ పాయింట్ల పట్టికలో వేగంగా పైకి ఎగబాకుతోంది. రోహిత్ శర్మ సాధించిన ఈ రికార్డు, అతని ఫామ్, జట్టు విజయాలు. ఇవన్నీ కలిసి ముంబై ఇండియన్స్‌ను ఐపీఎల్ 2025లో తిరిగి పవర్‌ఫుల్ కంటెండర్‌గా నిలబెట్టాయి.
గత ఐపీఎల్ సీజన్‌లో రన్నరప్‌గా నిలిచిన SRH, ఈ సారి దూకుడు విధానాన్ని ఉపయోగించి మ్యాచ్‌లు ఆడటంతో, అనేక సమస్యలకు గురైంది. వాంఖడేలో MI చేతిలో ఓడిన తర్వాత హోమ్ గ్రౌండ్ అయిన హైదరాబాద్‌లో తిరిగి గెలుపుపై ఆశలు పెట్టుకున్నారు. అయితే, ఆట మొదలైన వెంటనే పరిస్థితులు పూర్తిగా SRH దెబ్బతిన్నట్లు కనిపించాయి. మొదటి 35 పరుగులకే ఐదు వికెట్లు కోల్పోవడం వారి పతనానికి అద్దం పట్టింది. హెన్రిచ్ క్లాసెన్ మరియు అభినవ్ మనోహర్ లాంటి ఆటగాళ్లు కొన్ని విలువైన పరుగులు చేసినప్పటికీ, మొత్తంగా SRH జట్టు కేవలం 143 పరుగులకే పరిమితమైంది.
ఇదే సమయంలో MI బ్యాటర్లు పూర్తి ఆధిపత్యం చూపిస్తూ, కేవలం 16 ఓవర్లలోనే లక్ష్యాన్ని ఛేదించి విజయం సాధించారు. ఈ ఓటమితో SRH ప్లేఆఫ్స్ రేసులో మరింత వెనుకపడిపోయింది.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
