మేషం: ఈ రాశివారికి రాహు, గురువులతో పాటు బుధ, శుక్రులు కూడా అనుకూలంగా మారుతున్నందువల్ల దీపావళి తర్వాత నుంచి ఆర్థిక బలం పెరగడం ప్రారంభం అవుతుంది. ఆదాయం దిన దినాభివృద్ధి చెందుతుంది. ఆకస్మిక ధన లాభానికి కూడా అవకాశం ఉంది. ఉద్యోగంలో, వృత్తి, వ్యాపారాల్లో రాబడి బాగా పెరిగే సూచనలున్నాయి. మనసులోని కోరికల్లో ముఖ్యమైనవి తప్ప కుండా నెరవేరుతాయి. ఆర్థికంగా ఎటువంటి ప్రయత్నం చేపట్టినా విజయవంతం అవుతుంది.
వృషభం: ఈ రాశికి గురు, శని, శుక్రుల అనుకూల సంచారం దాదాపు పట్టిందల్లా బంగారం అయ్యే అవకాశం ఉంది. ఈ ఏడాది చివరి లోగా ఆదాయం విశేషంగా వృద్ధి చెంది, ఐశ్వర్యవంతులు కావడంతో పాటు ఆర్థిక సమస్యలన్నిటి నుంచి విముక్తి లభించే సూచనలున్నాయి. ఇతరులకు ఇతోధికంగా సహా యం చేయగల స్థితిలో ఉంటారు. అదనపు ఆదాయ ప్రయత్నాలన్నీ బాగా కలిసి వస్తాయి. రావలసిన సొమ్ము, బాకీలు పూర్తిగా వసూలవుతాయి. ఆర్థిక పరిస్థితి సంతృప్తికరంగా మారుతుంది.
కర్కాటకం: ఈ రాశికి భాగ్య స్థానంలో శని, ఈ నెల 19 నుంచి సొంత రాశిలో గురువు ఉచ్ఛపడుతున్నందు వల్ల ఆదాయం పెరగడమే తప్ప తగ్గడం ఉండదు. ఆర్థికంగా ఏ ప్రయత్నం తలపెట్టినా విజయవంతం అవుతుంది. ఉద్యోగంలో జీతభత్యాలు, వృత్తి, వ్యాపారాల్లో లాభాలు ఇబ్బడిముబ్బడిగా పెరగడం జరుగుతుంది. వ్యక్తిగత, ఆర్థిక సమస్యల నుంచి చాలావరకు బయటపడే అవకాశం ఉంది. లాభదాయక పరిచయాలు, ఒప్పందాలు ఏర్పడతాయి. విలువైన ఆస్తిపాస్తులు కలిసి వస్తాయి.
తుల: ఈ రాశికి భాగ్య, దశమ స్థానాల్లో గురువు, షష్ట స్థానంలో శనీశ్వరుడి సంచారం వల్ల ఆకస్మిక ధన లాభానికి బాగా అవకాశం ఉంది. వడ్డీ వ్యాపారాలు, లాటరీలు, షేర్లు, స్పెక్యు లేషన్లు అంచనాలకు మించి లాభిస్తాయి. ఆదాయం బాగా పెరగడానికి, ఆర్థిక సమస్యలు పూర్తిగా తగ్గడానికి అవకాశం ఉంది. లాభదాయక పరిచయాలు వృద్ధి చెందుతాయి. ఆదాయ మార్గాలు విస్తరిస్తాయి. ఆస్తివిలువ పెరుగుతుంది. ఆస్తిపాస్తులు కలిసి వస్తాయి. ఇతరులకు సహాయం చేయగల స్థితిలో ఉంటారు.
ధనుస్సు: ఈ రాశికి తృతీయ స్థానంలో రాహువు సంచారం జరుగుతున్నంత కాలం ఆదాయం వృద్ధి చెందుతూనే ఉంటుంది. రాశ్యధిపతి గురువు సప్తమ స్థానంలో ఉండడంవల్ల అనేక సమస్యలు, ఒత్తిళ్ల నుంచి విముక్తి లభించడంతో పాటు, అనేక మార్గాల్లో ఆదాయం పెరుగుతుంది. బ్యాంక్ నిల్వలు అంచనాలకు మించి వృద్ధి చెందుతాయి. మనసులోని కోరికలు చాలావరకు నెరవేరుతాయి. ఆస్తిపాస్తులు సమకూర్చుకుంటారు. ఈ ఏడాదంతా లాభాలకు, రాబడికి లోటుండకపోవచ్చు.
మకరం: ఈ రాశివారికి తృతీయ స్థానంలో ధనాధిపతి శనీశ్వరుడు, భాగ్య స్థానంలో శుభ గ్రహాల సంచారం వల్ల ఆదాయానికి లోటుండదు. ఆదాయం క్రమంగా పెరగడం తప్ప తగ్గడం ఉండదు. ఒక ప్రణాళిక ప్రకారం ఆర్థిక సమస్యలన్నీ పరిష్కారమవుతాయి. అదనపు ఆదాయ మార్గాల ద్వారా ఆశించిన ప్రయోజనాలు పొందుతారు. లాభదాయక పరిచయాల ద్వారా లబ్ది పొందడం జరుగుతుంది. తల్లితండ్రుల నుంచి ఆస్తి లభిస్తుంది. ఆస్తి వివాదం పరిష్కారమవుతుంది. షేర్లు బాగా లాభిస్తాయి.