దిన ఫలాలు (అక్టోబర్ 14, 2025): మేష రాశి వారికి ఉద్యోగంలో అధికార యోగం పట్టే అవకాశం ఉంది. వృషభ రాశికి చెందిన నిరుద్యోగులకు సొంత ఊర్లోనే ఆశించిన ఉద్యోగం లభించే అవకాశం ఉంది. మిథున రాశి వారి ఆర్థిక పరిస్థితి మెరుగుపడే అవకాశముంది. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
రాశ్యధిపతి కుజుడితో పాటు, బుధ, రవులు కూడా బాగా అనుకూలంగా ఉన్నందువల్ల ఒకటి రెండు శుభ పరిణామాలు చోటు చేసుకుంటాయి. ఉద్యోగంలో అధికార యోగం పట్టే అవకాశం ఉంది. వృత్తి, వ్యాపారాలు ఆశాజనకంగా సాగిపోతాయి. ఆర్థిక పరిస్థితి బాగా మెరుగుపడుతుంది. తోబుట్టువులతో ఆస్తి వివాదం ఒకటి పరిష్కారం అవుతుంది. ప్రముఖులతో పరిచయాలు వృద్ధి చెందుతాయి. అనుకున్న పనుల్లో కార్యసిద్ధి కలుగుతుంది. ప్రేమ వ్యవహారాల్లో దూసుకుపోతారు.
వృషభం (కృత్తిక 2,3,4, రోహిణి, మృగశిర 1,2)
రాశ్యధిపతి శుక్రుడు పంచమ స్థానంలో సంచారం వల్ల ఉద్యోగంలో సమర్థతకు గుర్తింపుగా హోదా పెరిగే అవకాశం ఉంది. వృత్తి, వ్యాపారాలు బాగా బిజీగా సాగిపోతాయి. ఆర్థిక పరిస్థితి బాగా మెరుగ్గా ఉంటుంది. నిరుద్యోగులకు సొంత ఊర్లోనే ఆశించిన ఉద్యోగం లభించే అవకాశం ఉంది. కుటుంబ వ్యవహారాల్లో బంధువుల్ని తలదూర్చనివ్వవద్దు. ఆరోగ్యం బాగానే ఉంటుంది. విదేశాల్లో ఉన్న పిల్లల నుంచి ఆశించిన శుభవార్తలు వింటారు. ప్రేమ వ్యవహారాలు బాగా అనుకూలిస్తాయి.
మిథునం (మృగశిర 3,4, ఆర్ద్ర, పునర్వసు 1,2,3)
రాశ్యధిపతి బుధుడు పంచమ స్థానంలో ఉండడం వల్ల అనుకున్న పనులు అనుకున్నట్టు పూర్తవుతాయి. ఆదాయం బాగా కలిసి వస్తుంది. షేర్లు, స్పెక్యులేషన్ల వంటివి అంచనాలకు మించి లాభిస్తాయి. మంచి పరిచయాలు ఏర్పడతాయి. ఆర్థిక పరిస్థితి మెరుగుపడుతుంది. ఆర్థిక, ఆస్తి వ్యవహారాలను చక్కబెడతారు. ఉద్యోగంలో ప్రాధాన్యం పెరుగుతుంది. వృత్తి, వ్యాపారాల్లో పెట్టుబడులకు తగిన లాభాలు పొందుతారు. ఆరోగ్యానికి ఢోకా ఉండదు. ప్రేమ వ్యవహారాలు హ్యాపీగా సాగిపోతాయి.
కర్కాటకం (పునర్వసు 4, పుష్యమి, ఆశ్లేష)
శుక్ర, రవి, బుధ గ్రహాలు అనుకూలత ఆర్థిక, వ్యక్తిగత సమస్యలు తగ్గుముఖం పడతాయి. ఆస్తి వివాదం ఒకటి పరిష్కారం అవుతుంది. కొత్త ఆదాయ మార్గాలు ఏర్పడతాయి. ఆర్థిక పరిస్థితి మరింతగా అనుకూలంగా ఉంటుంది. ఆదాయానికి మించి ఖర్చులు పెరిగే అవకాశం ఉంది. ఉద్యోగ జీవితం సాఫీగా సాగిపోతుంది. వృత్తి, వ్యాపారాల్లో సొంత ఆలోచనల మీద ఆధారపడడం ఉత్తమం. కుటుంబ సభ్యుల సహకారం లభిస్తుంది. ప్రేమ వ్యవహారాల్లో జాగ్రత్తగా ఉండడం మంచిది.
సింహం (మఖ, పుబ్బ, ఉత్తర 1)
బుధ, రవి, కుజ, శుక్ర గ్రహాలు అనుకూలంగా ఉన్నందువల్ల ఆదాయం బాగా వృద్ధి చెందే అవకాశం ఉంది. ఆర్థిక పరిస్థితి మెరుగ్గా ఉంటుంది. కొద్దిపాటి ఇబ్బందులున్నా ఆస్తిపాస్తులకు సంబంధించిన అత్యవసర పనులను పూర్తి చేస్తారు. ధనపరంగా ఇతరులకు వాగ్దానాలు చేయకపోవడం మంచిది. వృత్తి, వ్యాపారాల్లో సమస్యలు తొలగుతాయి. ఉద్యోగంలో అనుకూలతలు పెరుగుతాయి. ప్రేమ వ్యవహారాల్లో కొద్దిగా అసంతృప్తి ఏర్పడుతుంది. నిరుద్యోగులు ఆశించిన శుభవార్త వింటారు.
కన్య (ఉత్తర 2,3,4, హస్త, చిత్త 1,2)
గురు, బుధులు బాగా అనుకూలంగా ఉండడం వల్ల అటు వృత్తి, ఉద్యోగాల్లో అందలాలు ఎక్కే అవకాశం ఉంది. జీతభత్యాలు వృద్ధి చెందుతాయి. ఆర్థిక పరిస్థితి గణనీయంగా మెరుగుపడుతుంది. ఎటువంటి ప్రయత్నం తలపెట్టినా విజయం సాధిస్తారు. కుటుంబ సభ్యుల సలహాలు, సూచనలు ఉపకరిస్తాయి. నిరుద్యోగుల ప్రయత్నాలు సఫలమవుతాయి. వ్యాపారాల్లో ఒత్తిడి తగ్గుతుంది. ఆదాయానికి, ఆరోగ్యానికి ఏమాత్రం లోటుండదు. ప్రేమ వ్యవహారాలు సాఫీగా సాగిపోతాయి.
తుల (చిత్త 3,4, స్వాతి, విశాఖ 1,2,3)
బుధ, గురు, శనులు అనుకూలంగా ఉన్నందువల్ల వృత్తి, ఉద్యోగాల్లో ఆదాయం పెరుగుతుంది. రాదనుకున్న డబ్బు చేతికి అందుతుంది. వ్యాపారంలో దూసుకుపోతారు. ముఖ్యమైన వ్యవహారాలు ఊపందుకుంటాయి. కుటుంబ సభ్యులతో ఇష్టమైన ఆలయాలు సందర్శిస్తారు. శుభ కార్యాల్లో పాల్గొంటారు. నిరుద్యోగులకు ఊహించని కొత్త ఉద్యోగావకాశాలు అంది వస్తాయి. కొత్త ప్రయత్నాలకు ఇది అనుకూల సమయం. ప్రేమ వ్యవహారాలు బాగా సానుకూలంగా సాగిపోతాయి.
వృశ్చికం (విశాఖ 4, అనూరాధ, జ్యేష్ట)
శుక్ర, శనుల బలం కారణంగా సర్వత్రా మీ మాటకు విలువ పెరుగుతుంది. ఉద్యోగంలో అధికారులు అత్యధిక ప్రాధాన్యం ఇస్తారు. కొత్త బాధ్యతల్ని చేపట్టడం జరుగుతుంది. వృత్తి జీవితంలో ఆశించిన గుర్తింపు లభిస్తుంది. వ్యాపారాలు రాబడిపరంగా బాగా కలిసి వస్తాయి. ఆధ్యాత్మిక చింతన పెరుగుతుంది. ఉద్యోగ ప్రయత్నాలు చాలావరకు సఫలమవుతాయి. ప్రయాణాలుఇబ్బంది పెడతాయి. ఆరోగ్యం పట్ల అప్రమత్తంగా ఉండాలి. ప్రేమ వ్యవహారాలు సాధారణంగా సాగిపోతాయి.
ధనుస్సు (మూల, పూర్వాషాఢ, ఉత్తరాషాఢ 1)
బుధ, గురు, శుక్ర గ్రహాలు బాగా అనుకూలంగా ఉన్నందువల్ల రోజంతా చీకూచింతా లేకుండా గడిచిపోతుంది. వృత్తి, వ్యాపారాలు బాగా బిజీగా సాగిపోతాయి. ఆశించిన ఆర్థిక ప్రయోజనాలు చేకూరుతాయి. వృత్తి, ఉద్యోగాల్లో మీ మాటకు విలువ పెరుగుతుంది. మిత్రుల కారణంగా కొద్దిగా డబ్బు నష్టపోవడం జరుగుతుంది. ఎవరినీ గుడ్డిగా నమ్మవద్దు. తలపెట్టిన పనులు పూర్తవుతాయి. సొంత విషయాలపై శ్రద్ధ పెట్టడం మంచిది. ప్రేమ వ్యవహారాలు సానుకూలంగా సాగిపోతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
దశమ స్థానంలో రవి, కుజుల బలం బాగా అనుకూలంగా ఉండడం వల్ల ఉద్యోగంలో అధికార యోగం పడుతుంది. ఆశించిన శుభ వార్తలు వింటారు. ముఖ్యమైన వ్యవహారాలను పట్టుదలగా పూర్తి చేస్తారు. వృత్తి, వ్యాపారాల్లో కార్యకలాపాలు, లావాదేవీలు వృద్ది చెందుతాయి. ఇష్టమైన బంధుమిత్రులతో ఎంజాయ్ చేస్తారు. ఆర్థిక లావాదేవీల వల్ల లాభాలు కలుగుతాయి. ఆదాయం బాగా పెరుగుతుంది. మంచి పరిచయాలు ఏర్పడతాయి. ప్రేమ వ్యవహారాల్లో దూసుకుపోతారు.
కుంభం (ధనిష్ట 3,4, శతభిషం, పూర్వాభాద్ర 1,2,3)
గురు, బుధుల బలం అనుకూలంగా ఉండడం వల్ల అనుకున్న పనులు అనుకున్నట్టు పూర్తవుతాయి. ఏ ప్రయత్నం తలపెట్టినా విజయవంతం అవుతుంది. ఆదాయ ప్రయత్నాలు కూడా ఆశించిన ఫలితాలనిస్తాయి. ఆర్థికంగా మంచి అదృష్టం పట్టే అవకాశం ఉంది. నిరుద్యోగులకు ప్రతిష్ఠాత్మక కంపెనీల నుంచి మంచి ఆఫర్లు అందుతాయి. వ్యాపారాల్లో అంచనాలకు మించి రాబడి పెరుగుతుంది. వృత్తి, ఉద్యోగాలు సాఫీగా సాగిపోతాయి. ప్రేమ వ్యవహారాల్లో సఖ్యత పెరుగుతుంది.
మీనం (పూర్వాభాద్ర 4, ఉత్తరాభాద్ర, రేవతి)
రాశ్యధిపతి గురువుతో పాటు, కేతువు బలం కూడా యోగదాయకంగా ఉంది. ఆర్థికంగా బాగా కలిసి వచ్చే అవకాశం ఉంది. ఉద్యోగంలో బరువు బాధ్యతలు పెరిగే సూచనలున్నాయి. అధికా రులు మీ పనితీరును బాగా మెచ్చుకుంటారు. వృత్తి, వ్యాపారాల్లో అనుకూల పరిస్థితులుంటాయి. ముఖ్యమైన కుటుంబ వ్యవహారాలను చక్కదిద్దుతారు. వ్యక్తిగత సమస్యలు చాలావరకు పరిష్కారం అవుతాయి. ప్రేమ వ్యవహారాల్లో ముందడుగు వేస్తారు. ఆరోగ్యం పరవాలేనిపిస్తుంది.