అబద్ధాలు ఎక్కువ కాలం దాగవని అంటారు. ఏదో ఒక సందర్భంలో ఆలస్యంగానైనా బయటపడతాయి. పెద్ద వయసు అంతరం ఉన్నప్పటికీ ఒకరినొకరు చాలా ప్రేమించుకున్న ఒక జంట విషయంలో ఇదే జరిగింది. ఒకే ఒక్క అబద్ధం వారి సంబంధాన్ని కుదిపేసింది. అయినప్పటికీ వారు ఒకరికొకరు మరొక అవకాశం ఇవ్వడానికి సిద్ధంగా ఉన్నారు. అలాంటి ఒక వింత ప్రేమకథ వెలుగులోకి వచ్చింది. బ్రిటన్‌కు చెందిన 65 ఏళ్ల జెనా, 44 ఏళ్ల గాంబియన్ వెయిటర్ ఎబ్రిమా ప్రేమించుకున్నారు. వారు 90 డే కాబోయే భర్త UK అనే టీవీ షోలో తమ ప్రేమను పంచుకున్నారు. రెండు సంవత్సరాల క్రితం, జెనా సెలవుల కోసం గాంబియాలోని బంజుల్ నగరానికి వెళ్ళింది. అక్కడ, ఆమె ఎబ్రిమాను ఒక రిసార్ట్‌లో కలిసింది. జెనా అతని ఫిట్‌నెస్, ఆకర్షణీయమైన వ్యక్తిత్వానికి ముగ్ధురాలైంది. ఆమె తన వయసు పురుషులను ఇష్టపడదని చెప్పింది.. ఎందుకంటే వారు ఎక్కువగా బట్టతల కలిగి ఉంటారు. పెద్ద పొట్టలు కలిగి ఉంటారని చెప్పింది. కానీ, ఎబ్రిమా ఒక ముస్లిం, జెనా మద్యం తాగడం, శరీరం కనిపించేలా దుస్తులు ధరించడం అతనికి ఇష్టం లేదు. కానీ జెనా క్రమంగా ఈ విషయాలను అంగీకరించింది.
జెనా ఎబ్రిమాపై బహుమతుల వర్షం కురిపించింది. ఆమె అతనికి ఐఫోన్ గిఫ్ట్‌గా ఇచ్చింది. ఆర్థికంగా కూడా చాలా సహాయం చేసింది. ఇదిలా ఉండగానే సోషల్ మీడియాలో జెనాను నెటిజన్లు పెద్ద సంఖ్యలో విమర్శించటం మొదలు పెట్టారు. కానీ, జెనా మాత్రం అందరి విమర్శలను కొట్టి పారేస్తూ.. ఎబ్రిమాను ప్రేమిస్తున్నానని చెప్పింది. ఇంతలోనే అతనికి సంబంధించి ఇంటర్‌నెట్‌లో ఓ షాకింగ్‌ విషయం తెలుసుకుంది. జెనా మనవరాలు టిల్లీ అతని ఫేస్బుక్ ప్రొఫైల్‌ను కనిపెట్టింది. అందులో అతనికి చాలా మంది గర్ల్‌ ఫ్రెండ్స్‌ ఉన్నారు. అది చూసి జెనా షాక్ అవుతుంది. వెంటనే అతన్ని నిలదీస్తుంది. కానీ, అతను తనకు ఫేస్బుక్ లేదని చెప్పాడు.
ఈ క్రమంలోనే ఎబ్రిమా తన సోదరి అని పిలుస్తున్న మహిళ వాస్తవానికి తన భార్య అయి ఉండవచ్చని జెనా అనుమానించడం మొదలు పెట్టింది. ఆ మహిళ కుమారుడు కూడా ఎబ్రిమాను పప్పా అని పిలవటం చూసి జెనా మరింత షాక్ అవుతుంది. కానీ, అతను మాత్రం అదంతా అబద్దం అంటున్నాడు. ఫేస్బుక్ మెసేజ్‌లు జోక్‌ అంటూ సమర్ధించుకున్నాడు. అతడి మాటలకు ఎంతో ఆగ్రహించిన జెనా అతన్ని క్షమించింది. అతనికి మరో అవకాశం ఇస్తానంటూ చెప్పింది. దాంతో ఇద్దరూ తమ సంబంధాన్ని తిరిగి కొనసాగించాలని నిర్ణయించుకున్నారు. భవిష్యత్తులో కలిసి జీవించాలని ఆశించారు.
మరిన్ని ట్రెండింగ్ న్యూస్ కోసం క్లిక్ చేయండి..