MyHome Rameshwar Rao : ఇంట గెలిచాం.. ఇప్పుడు రచ్చ గెలవాలి కదా.. ఎంత సేపు లోకల్ యేనా.. కాస్తా నేషనల్.. వీలుంటే ఇంటర్నేషనల్ కూడా ట్రై చేద్దాం.. మన ‘పుష్ప’ లాగా.. టాలీవుడ్ ఇప్పుడు నేషనల్ లెవల్ అయ్యింది. ప్రాంతీయ తెలుగు హీరోలంతా ప్యాన్ ఇండియా హీరోలైపోయారు. మన సినిమాలు దేశవ్యాప్తంగా ప్రాచుర్యం పొందాయి. ప్రతీకొత్త సౌత్ డైరెక్టర్ ప్యాన్ ఇండియా మూవీ తీసేలా ఎదుగుతున్నాడు. హైదరాబాద్ నుంచి మొదలైన ఈ ప్యాన్ ఇండియా ప్లాన్స్ కేవలం సినిమా రంగానికే పరిమితం కావడం లేదు. ఆ ఊపు ఉత్సాహం ఇప్పుడు ఇతర రంగంలోకి పాకుతోంది. తెలుగునాట పాపులర్ రియల్ ఎస్టేట్ సంస్థ ‘మై హోం’. రియల్ ఎస్టేట్ తోపాటు ఇతర రంగాలకు కూడా విస్తరించింది. టీవీ9 ను కొనుగోలు చేసి నేషనల్ లెవల్ లో ఒక బలమైన మీడియాను ప్రవేశపెట్టింది. ఇప్పుడు రియల్ ఎస్టేట్ లోనూ హైదరాబాద్, తెలుగు రాష్ట్రాల్లో ఇప్పటికే నిరూపించుకుంది. ఇప్పుడు నెక్ట్స్ లెవల్ కు వెళ్లే ప్లాన్లు మొదలుపెట్టింది. అవి మామూలుగా లేవు.. మై హోం రామేశ్వర్ రావు… పెద్ద గేమ్ ప్లాన్ తోనే జాతీయ స్థాయిలో రంగంలోకి దిగుతున్నారు. ఎవ్వరూ ఊహించని ఒకకొత్త ఎత్తును వేశారు. ఈ దెబ్బకు ప్యాన్ ఇండియా లెవల్లో ఇప్పుడు మై హోం విస్తరించి భారీ ప్రాజెక్టులతో దుమ్మురేపడం ఖాయంగా కనిపిస్తోంది. రామేశ్వరరావు వేసిన ఈ అడుగులు ఇప్పుడు రియల్ ఎస్టేట్ రంగంలో ఓ సంచలనంగా మారాయి.. అసలు ఆయన వేసిన బిగ్ ప్లాన్స్ ఏంటి? నేషనల్ లెవల్ బిల్డర్ గా ఆయన ఎలా ఎదగబోతున్నాడనే దానిపై ‘స్పెషల్ స్టోరీ’..
హైదరాబాద్ రియల్ ఎస్టేట్ మార్కెట్‌లో దశాబ్దాలుగా తిరుగులేని పేరు సంపాదించుకున్న మై హోమ్ కన్‌స్ట్రక్షన్స్, ఇప్పుడు తన వ్యాపార సామ్రాజ్యాన్ని జాతీయస్థాయికి విస్తరించాలని ఒక భారీ ప్రణాళికను సిద్ధం చేసింది. హైదరాబాద్‌కే పరిమితమైన సంస్థగా కాకుండా పాన్-ఇండియా స్థాయిలో ఒక ప్రముఖ బిల్డర్‌గా ఎదగడమే ఈ ప్రణాళిక లక్ష్యం. ఈ కీలకమైన అడుగులో భాగంగా మై హోమ్ గ్రూప్ ఒక వ్యూహాత్మక నిర్ణయం తీసుకుంది.
అభిషేక్ కపూర్ కొత్త CEOగా నియామకం
మై హోమ్ ఈ భారీ లక్ష్యాన్ని చేరుకునేందుకు అనుభవజ్ఞులైన నాయకత్వాన్ని ఎంచుకుంది. ‘పూర్వాంకర లిమిటెడ్ గ్రూప్’ మాజీ సీఈఓ అయిన అబిషేక్ కపూర్‌ను కొత్త చీఫ్ ఎగ్జిక్యూటివ్ ఆఫీసర్ (CEO)గా నియమించింది. రియల్ ఎస్టేట్ రంగంలో రెండు దశాబ్దాలకు పైగా అనుభవం ఉన్న అబిషేక్ కపూర్, కొత్త మార్కెట్లలో సంస్థను విస్తరించడానికి, వ్యాపార అభివృద్ధి, భూముల కొనుగోలు, మార్కెటింగ్, ఇతర వ్యూహాత్మక భాగస్వామ్యాలపై దృష్టి పెడతారు. ఈ నియామకం కేవలం ఒక అధికారిని నియమించడం మాత్రమే కాదు, మై హోమ్ గ్రూప్ జాతీయస్థాయిలో తన అడుగులు వేయడానికి తీసుకున్న ఒక బలమైన, స్పష్టమైన సంకేతం.
ALSO READ : Hyderabad Real Estate: హైదరాబాద్ రియల్ ఎస్టేట్ మొత్తం పడిపోయింది.. మార్కెట్ ఏం లేదు
హైదరాబాద్ నుంచి నేషనల్ లెవెల్ వరకు
మై హోమ్ అధినేత డా. రామేశ్వర్ రావు తీసుకున్న ఈ నిర్ణయం కేవలం హైదరాబాద్ మార్కెట్‌పైనే కాకుండా, దేశంలోని ఇతర ప్రధాన నగరాలైన బెంగళూరు, చెన్నై, ముంబై , ఢిల్లీలలో కూడా తన ఉనికిని చాటుకోవాలని లక్ష్యంగా పెట్టుకున్నారు. ఈ విస్తరణతో మై హోమ్ స్థానిక సంస్థ అనే గుర్తింపును దాటి, జాతీయ స్థాయిలో విశ్వసనీయమైన, అత్యున్నత నాణ్యత కలిగిన నిర్మాణ సంస్థగా పేరు తెచ్చుకోవాలని చూస్తోంది.
రామేశ్వర్ రావు దూరదృష్టి
ఈ పరిణామం వెనుక రామేశ్వర్ రావు గారి వ్యూహాత్మక ఆలోచన కనిపిస్తోంది. హైదరాబాద్ రియల్ ఎస్టేట్ మార్కెట్‌లో ఇప్పటికే అగ్రగామిగా ఉన్నప్పటికీ, భవిష్యత్తులో స్థిరమైన వృద్ధి సాధించాలంటే కొత్త మార్కెట్లలోకి ప్రవేశించడం అవసరమని ఆయన గుర్తించారు. ఈ ప్రణాళికలో భాగంగా మై హోమ్ తనకున్న నాణ్యత, సరైన సమయంలో ప్రాజెక్ట్‌లను పూర్తి చేయడం, కస్టమర్ నమ్మకాన్ని జాతీయ స్థాయిలో కూడా నిలబెట్టుకోవాలని లక్ష్యంగా పెట్టుకుంది.
అభిషేక్ కపూర్ వంటి అనుభవజ్ఞుడిని నియమించడం ద్వారా, మై హోమ్ గ్రూప్ కేవలం భవనాలను నిర్మించడం మాత్రమే కాదు, ఒక బలమైన జాతీయ బ్రాండ్‌ను కూడా నిర్మించాలని చూస్తోంది. రాబోయే సంవత్సరాల్లో ఈ వ్యూహం ద్వారా మై హోమ్ కన్‌స్ట్రక్షన్స్ దేశీయ రియల్ ఎస్టేట్ రంగంలో ఒక కొత్త అధ్యాయాన్ని ప్రారంభించగలదని భావించవచ్చు.