మేష రాశి.. మీరు చాలా చురుకుగా ఉంటారు. కానీ తొందరపడి నిర్ణయాలు తీసుకోవడం.. ఓపిక లేకపోవడం మీ సమస్య. వినాయకుడు మీకు అసహనం మానేయమని చెబుతున్నాడు. దేనికైనా సమయం పడుతుంది.. కాబట్టి నిదానంగా ఆలోచించి ముందుకు వెళ్తే విజయం మీదే.
వృషభ రాశి.. మీకు మార్పు అంటే నచ్చదు. అంతా స్థిరంగా ఉండాలనే అనుకుంటారు. కానీ ఇప్పుడు పరిస్థితులు మారుతున్నాయి. వినాయకుడు మార్పుకు భయపడటం వదిలేయమని చెబుతున్నాడు. మార్పును స్వీకరించినప్పుడే కొత్తగా ఏదైనా సాధించగలుగుతారు.
మిథున రాశి.. మీ మనసులో ఎప్పుడూ చాలా ఆలోచనలు ఉంటాయి. కానీ వాటిలో స్పష్టత ఉండదు. వినాయకుడు ఎక్కువగా ఆలోచించడం మానేయమని.. ఒకే పని మీద దృష్టి పెట్టమని చెబుతున్నాడు. అనవసరంగా మాట్లాడకుండా.. ఎదుటివారు చెప్పేది వినడం నేర్చుకోండి.
కర్కాటక రాశి.. గతంలో జరిగిన సంఘటనలు, చేదు జ్ఞాపకాలు మిమ్మల్ని బాధపెడుతున్నాయి. వినాయకుడు ఆ పాత గాయాలను వదిలేయమని చెబుతున్నాడు. గతంలోంచి బయటపడితేనే ప్రశాంతంగా ఉండగలుగుతారు.
సింహ రాశి.. మీలో అహంభావం ఎక్కువగా కనిపిస్తుంది. వినాయకుడు అహంకారం మానేయమని గుర్తు చేస్తున్నాడు. నిజమైన నాయకత్వం అనేది వినయంతోనే వస్తుంది.. గర్వంతో కాదు.
కన్య రాశి.. మీరు ప్రతీది పరిపూర్ణంగా ఉండాలని ఆందోళన పడుతుంటారు. వినాయకుడు అతిగా ఆలోచించడం, ప్రతీదాన్ని విమర్శించడం మానేయమని చెబుతున్నాడు. అన్నీ పర్ఫెక్ట్‌గా ఉండవు.. ఆ విషయాన్ని అంగీకరించినప్పుడే జీవితం మరింత అందంగా ఉంటుంది.
తుల రాశి.. మీరు అందరినీ సంతోషపెట్టడానికి ప్రయత్నిస్తారు. దాని వల్ల మీకంటూ ఒక అభిప్రాయం లేకుండా పోతుంది. వినాయకుడు నిర్ణయం తీసుకోలేకపోవడం మానేయమని చెబుతున్నాడు. ధైర్యంగా మీ నిర్ణయాలు మీరు తీసుకున్నప్పుడే నిజమైన సమతుల్యత వస్తుంది.
వృశ్చిక రాశి.. మీరు ప్రతీది మీ ఆధీనంలో ఉండాలని కోరుకుంటారు. వినాయకుడు అందరినీ నియంత్రించాలనే అలవాటు వదిలేయమని చెబుతున్నాడు. ప్రతీ విషయం మన చేతిలో ఉండదు. కొన్ని విషయాలను వదిలేస్తేనే కొత్త శక్తి వస్తుంది.
ధనుస్సు రాశి.. మీరు ఒకేసారి చాలా పనులు చేస్తామని చెబుతారు. దీని వల్ల ఏదీ పూర్తి చేయలేరు. వినాయకుడు ఎక్కువ వాగ్దానాలు చేయడం మానేయమని చెబుతున్నాడు. ఒక పనిని లోతుగా, జాగ్రత్తగా చేస్తేనే నిజమైన ఫలితం ఉంటుంది.
మకర రాశి.. మీకు మార్పు అంటే భయం. పాత పద్ధతులనే పట్టుకుంటారు. వినాయకుడు పాత పద్ధతులను వదిలేయడానికి భయపడటం మానేయమని చెబుతున్నాడు. కొన్నిసార్లు పాత వాటిని తొలగిస్తేనే కొత్త, బలమైన పునాదులు వేయగలుగుతాం.
కుంభం రాశి.. మీరు భవిష్యత్తు గురించి ఎక్కువగా ఆలోచిస్తూ.. భావోద్వేగాలకు దూరంగా ఉంటారు. వినాయకుడు భావాలను పక్కన పెట్టే అలవాటు మానేయమని చెబుతున్నాడు. దయ, కరుణ ఉంటేనే మీ ఆలోచనలకు నిజమైన శక్తి వస్తుంది.
మీన రాశి.. మీరు నిజ జీవితాన్ని ఎదుర్కోకుండా ఊహల్లో జీవిస్తుంటారు. వినాయకుడు వాస్తవాన్ని వదిలేయడం.. తప్పుడు ఆశలు మానేయమని సూచిస్తున్నాడు. ఊహల నుండి బయటపడి ప్రస్తుతం జీవించడం నేర్చుకోండి. అప్పుడే మీ కలలను నిజం చేసుకోగలరు. ఈ వినాయక చవితికి మీ రాశికి చెప్పిన అలవాటును వదిలిపెట్టి జీవితంలో కొత్త మార్పుకు స్వాగతం పలకండి.