Nara Lokesh Banakacharla Issue: నారా లోకేష్ ఓ గొప్ప మాట చెప్పాడు..

Nara Lokesh Banakacharla Issue: నారా లోకేష్ ఓ గొప్ప మాట చెప్పాడు..

by

Nara Lokesh Banakacharla Issue: తెలుగు దేశం పార్టీ యువ నేత, మంత్రి నారా లోకేష్ మరోసారి తన మేధస్సు, పరిపక్వతతో కూడిన మాటలతో ఆకట్టుకున్నారు. రాజకీయ విమర్శల కంటే ప్రజల మేలు ముఖ్యమన్న నైజాన్ని ఆయన తన తాజా ప్రసంగంలో స్పష్టంగా చాటిచెప్పారు. ముఖ్యంగా కాళేశ్వరం ప్రాజెక్టు, బనకచర్ల ప్రాజెక్టుల నేపథ్యంలో ఆయన చేసిన వ్యాఖ్యలు సమగ్రంగా ఆలోచింపజేసేలా ఉన్నాయి.

కాళేశ్వరం విషయంలో స్పష్టత

బనకచర్ల అక్రమ ప్రాజెక్ట్ అన్న విలేకరులను “కాళేశ్వరం ప్రాజెక్టు అనుమతులు లేకుండా కట్టారు” అని నారా లోకేష్ సూటిగా ప్రశ్నించారు. “ప్రాజెక్టు కడితే ముందుగా అనుమతులు తీసుకోవడం అవసరం కాదా?” అని ఆయన ప్రశ్నిస్తూ, ఆ ప్రాజెక్ట్ వల్ల ఏపీకి నష్టమైనా కూడా మేము దాన్ని అడ్డుకోలేదన్నది కూడా స్పష్టంగా చెప్పారు. “మేము ఏమైనా కాళేశ్వరానికి చిల్లు కొట్టి నీళ్లు తీసుకుంటున్నామా?” అని ఆయన వ్యాఖ్యానించారు. ఇది తెలంగాణ – ఆంధ్ర మధ్య సర్దుబాటుకు ఆయన ప్రాధాన్యతనూ, తెలుగువారి ఐక్యతపై ఉన్న గౌరవాన్నీ సూచిస్తుంది.

బనకచర్ల ప్రాజెక్టుపై స్పష్టత

నారా లోకేష్ బనకచర్ల ప్రాజెక్టుపై మాట్లాడుతూ, ఇది గోదావరిలో సముద్రంలో కలుస్తున్న వృథా నీటిని, కరువు ప్రాంతాలైన రాయలసీమకు మళ్లించే గొప్ప ఆలోచన అని వివరించారు. ఇది తెలివైన నీటి నిర్వహణకు ఒక ఉదాహరణ అని చెప్పవచ్చు. ప్రాజెక్టు అమలుకు అవసరమైన అనుమతులు ఎలా తెచ్చుకోవాలో తమకైతే తెలుసు, అవి కచ్చితంగా తెచ్చుకుంటామన్నారు. ఈ మాటలు ఆయనకు ఉన్న పరిపాలనా విజ్ఞానాన్ని, ప్రణాళికా దృష్టిని సూచిస్తున్నాయి.

Also Read: ఇండియాతో కటీఫ్.. పాకిస్తాన్ తో దోస్తీ.. దెబ్బకొట్టిన ట్రంప్.. కారణం ఇదే

ప్రజల మేలు – రాజకీయాల కంటే గొప్ప ఆలోచన

నారా లోకేష్ ప్రసంగం మొత్తం చూస్తే, రాజకీయ విమర్శలకన్నా ప్రజల సంక్షేమమే ముఖ్యమన్న ధోరణి కనిపిస్తుంది. ఏపీ – తెలంగాణ మధ్య నీటి విషయంలో తగాదాలు కాకుండా, పరస్పర సౌహార్దంతో పరిష్కారాలు కోరుకోవడం ఆయన లక్ష్యంగా కనిపిస్తుంది. ఇది ఓ యువనేతగా ఆయన మనోభావాలకు అద్దంపడుతుంది.

సంప్రదాయ రాజకీయ నాయకుల మాదిరిగా విమర్శలు చేయడం కాదు, సమస్యలకు పరిష్కారాలు చూపించేలా మాట్లాడే నాయకులే ప్రజలకు అవసరం. అలాంటి నాయకత్వాన్ని నారా లోకేష్ చూపిస్తున్నారు. మేధోమేఘాలా మాట్లాడిన ఆయన తాజా ప్రసంగం, భవిష్యత్‌లో అభివృద్ధి దిశగా తీసుకెళ్లే మంచి సంకేతం.

Leave a Comment