ప్రతి వ్యక్తి తన వివాహ బంధం సంతోషకరంగా, స్థిరంగా ఉండాలని ఆశిస్తాడు. అయితే కొన్నిసార్లు చిన్న చిన్న మనస్పర్థలు రావడం సహజమే. అలాంటి సమయంలో కొన్ని ముఖ్యమైన విషయాలను గమనిస్తే సంబంధాన్ని బలంగా ఉంచుకోవచ్చు. విదురుడు వివాహ బంధాన్ని సుస్థిరంగా ఉంచేందుకు కొన్ని విలువైన సూత్రాలను ఇచ్చారు. అవేంటో ఇప్పుడు తెలుసుకుందాం.
భార్యాభర్తల మధ్య గట్టి సంబంధం ఉండాలంటే పరస్పరం నమ్మకం అత్యవసరం. ఒకరినొకరు గౌరవించుకుంటూ ప్రేమతో మెలగడం చాలా ముఖ్యం. ఏదైనా విషయం లో నిజాయితీగా వ్యవహరించడం ద్వారా సంబంధం మరింత బలపడుతుంది. మోసం లేకుండా ఒకరికొకరు తమ భావాలను స్పష్టంగా తెలియజేయడం అవసరం.
పెళ్లి తర్వాత అనేక విషయాల్లో భార్యాభర్తల అభిప్రాయాలు భిన్నంగా ఉండొచ్చు. ఒకరి అభిప్రాయాలను మరొకరు గౌరవించడం చాలా ముఖ్యం. ఎటువంటి పరిస్థితుల్లోనూ పరస్పరం అనవసరమైన తేడాలు రాకుండా చూసుకోవాలి. చిన్న విషయాలలో కూడా పరస్పరం గౌరవించుకోవడం అనేది సుస్థిరమైన వివాహ బంధానికి బలమైన ఆధారం.
అహంకారం అనేది మంచి సంబంధాన్ని బలహీనంగా మార్చే అంశం. భార్యాభర్తల మధ్య ఎలాంటి విషయమైనా అహంకారంతో మాట్లాడితే సమస్యలు పెరిగే అవకాశముంది. అందువల్ల వివాదాస్పద అంశాలపై సంయమనంతో వ్యవహరించాలి. విదుర మహర్షి చెబుతున్నట్లుగా అహంకారాన్ని పూర్తిగా వదిలేయడం ఒక మంచి పరిష్కారం.
ఒక కుటుంబంలో ఏదైనా సమస్య వస్తే దాన్ని బయట వ్యక్తులతో చర్చించడం మంచిది కాదు. ఇంటి విషయాలు గోప్యంగా ఉంచడం చాలా ముఖ్యం. కుటుంబ సంబంధాలు బలపడాలంటే ఇంట్లో సమస్యలను ఇంట్లోనే పరిష్కరించుకోవడం మంచిది. ఇంటి విషయాలను ఇతరులతో పంచుకుంటే అవి పెనుసమస్యలుగా మారే అవకాశం ఉంది.
ఏదైనా అనవసరమైన వివాదం వచ్చినప్పుడు కోపంగా కాకుండా సహనంతో వ్యవహరించడం ఉత్తమం. పరిస్థితిని అర్థం చేసుకొని సంయమనంతో వ్యవహరిస్తే కుటుంబ బంధం మరింత గట్టి పునాది వేయబడుతుంది. అనవసరమైన తగాదాలు పెంచుకోవడం కన్నా సమస్యను సున్నితంగా పరిష్కరించడం మంచిది.
విదుర మహర్షి చెప్పినట్లు వివాహం చేసుకునే వ్యక్తి కుటుంబం కూడా ఒకే స్థాయిలో ఉండటం మంచిది. ఒకే స్థాయిలో ఉన్న కుటుంబాల మధ్య వివాహం జరిగితే పరస్పర అర్థం చేసుకోవడం సులభమవుతుంది. కుటుంబ నేపథ్యం సమానంగా ఉంటే స్నేహభావం, గౌరవం పెరుగుతుంది. ఈ విధంగా విదుర నీతిలో చెప్పిన సూత్రాలను పాటిస్తే వివాహ బంధం మరింత సుస్థిరంగా ఉంటుంది. చిన్న చిన్న జాగ్రత్తలు తీసుకుంటే జీవితంలో ఆనందంగా ఉండవచ్చు.
