Women Empowerment Program : మహిళలు రూ.3 లక్షల వరకు రుణం పొంది.. 88 ర‌కాల చిన్న చిన్న వ్యాపారాలు నెల‌కొల్పుకొని ఆర్థికంగా స్థిరపడేందుకు వీలుగా కేంద్ర ప్ర‌భుత్వం ప్ర‌వేశ‌పెట్టిన ప‌థ‌కమే ఈ ఉద్యోగిని పథకం (Udyogini Scheme).
మహిళలు ఆర్థికంగా నిలదొక్కుకోవడమే Udyogini Scheme లక్ష్యం :
కేంద్ర ప్ర‌భుత్వం (Government of India) ఆత్మ‌నిర్భ‌ర్ కార్యక్రమ లక్ష్యాల్లో మహిళలకు ఆర్థిక స్వావ‌లంబన కోసం ఆర్థిక స‌హాయం అందించడమూ ఒకటి. మహిళలు పారిశ్రామిక‌వేత్త‌లుగా, వ్యాపార‌వేత్త‌లుగా ఎదిగి తమ కాళ్ల‌పై తాము నిల‌దొక్కుకోవ‌డానికి ప్ర‌వేశ‌పెట్టిన ప‌థ‌కమే ఉద్యోగిని (Udyogini Scheme). ఈ పథకాన్ని మొద‌ట కర్ణాటక ప్ర‌భుత్వం ప్ర‌వేశ‌పెట్టినప్ప‌టికీ.. త‌రువాత కేంద్ర ప్ర‌భుత్వం దీన్ని వుమెన్ డెవ‌ల‌ప్‌మెంట్ కార్పొరేష‌న్ ప‌ర్య‌వేక్ష‌ణ‌లో దేశ‌మంత‌టా అమ‌లు చేస్తోంది. ప్ర‌ధానంగా గ్రామీణ ప్రాంతాల్లోని మ‌హిళ‌ల ఆర్థిక స్వావ‌లంబన‌కు ఎక్కువ ప్రాధాన్యం ఇస్తారు. ఇప్ప‌టివ‌ర‌కు ఈ పథకం ద్వారా 48 వేల మంది మహిళలు ల‌బ్ధి పొంది చిన్నపాటి పారిశ్రామిక‌వేత్త‌లుగా రాణిస్తున్నట్లు గణాంకాలు చెబుతున్నాయి.
Sukanya Samriddhi Yojana : మీ పాపకి 21 ఏళ్లు వచ్చేసరికి చేతికి రూ.64 లక్షలు.. ఆడపిల్లల చదువు, వివాహానికి అద్భుతమైన స్కీమ్‌ ఇదే.. నెలకు ఎంత కట్టాలంటే..?
Udyogini Scheme – వడ్డీ విషయానికొస్తే..?
వైక‌ల్యం ఉన్న‌వారు, వితంతువులు, ద‌ళిత మహిళలకు పూర్తిగా వడ్డీ లేని రుణం క‌ల్పిస్తారు. మిగిలిన వ‌ర్గాల‌కు చెందిన మహిళలకు 10 శాతం నుంచి 12 శాతం వడ్డీ మీద రుణం ఇస్తారు. ఈ వడ్డీ అనేది ఆ మ‌హిళ రుణం పొందే బ్యాంకు నిబంధ‌న‌ల‌ను బట్టి ఉంటుంది. అలాగే.. కుటుంబ వార్షిక ఆదాయాన్ని బట్టి 30 శాతం వరకూ సబ్సిడీ క‌ల్పిస్తారు.
Udyogini Scheme – ఎవరు అర్హులంటే..?
18 సంవ‌త్స‌రాలు నిండిన 55 సంవత్సరాల వ‌య‌సులోపు మ‌హిళ‌లంద‌రూ అర్హులే.
ఈ ప‌థ‌కానికి ద‌ర‌ఖాస్తు చేసుకునే మహిళలు తమ క్రెడిట్ స్కోర్‌, సిబిల్‌ స్కోర్‌ బాగా ఉండేలా చూసుకోవాలి.
గ‌తంలో ఏదైనా రుణాలు తీసుకుని స‌రిగ్గా తిరిగి చెల్లించ‌కుండా ఉన్న‌ట్ల‌యితే రుణం ఇవ్వ‌రు.
Udyogini Scheme – ఈ డాక్యుమెంట్లు సమర్పించాలి :
- పూర్తి చేసిన ద‌ర‌ఖాస్తుతో పాటు రెండు పాస్‌పోర్టు సైజు ఫోటోలు జ‌త చేయాలి
- ద‌ర‌ఖాస్తు చేస్తున్న మ‌హిళ ఆధార్ కార్డు, జనన ధ్రువీకరణ పత్రం
- దారిద్య్ర రేఖ‌కు దిగువ‌న ఉన్న‌వారు రేష‌న్ కార్డు కాపీని జ‌త‌ప‌ర‌చాలి.
- ఆదాయ ధ్రువీకరణ పత్రం
- నివాస ధ్రువీకరణ పత్రం
- కుల ధ్రువీకరణ పత్రం
- బ్యాంకు ఖాతా పాసు పుస్త‌కం తదితర డాక్యుమెంట్లు సమర్పించాలి.
గమనిక: Udyogini Scheme కింద రుణం పొంద‌డానికి మహిళలు తమ ప్రాంతంలోని బ్యాంకుల‌ను సంప్ర‌దించాలి. బ‌జాజ్ ఫైనాన్స్ లాంటి ప్రైవేటు ఆర్థిక సంస్థలు కూడా Udyogini Scheme కింద రుణాలు ఇస్తున్నాయి.
రచయిత గురించికిషోర్‌ రెడ్డికిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.… ఇంకా చదవండి