TGPSC Group 2 Result 2025 : తెలంగాణలో గ్రూప్‌ 2 ఉద్యోగ నియామకాలకు సంబంధించిన రాత పరీక్ష ఫలితాలు విడుదల చేయడానికి టీజీపీఎస్సీ కమిషన్ ఏర్పాట్లు చేస్తోంది. వివరాల్లోకెళ్తే..
TSPSC Group 1 Mains Result 2025 : గ్రూప్‌ 1 ఫలితాల విడుదలకు సుప్రీంకోర్ట్‌ గ్రీన్‌ సిగ్నల్‌
తెలంగాణ రాష్ట్రంలో 563 గ్రూప్‌ 1 సర్వీసు పోస్టుల భర్తీకి నిర్వహించిన రాత పరీక్షల ఫలితాల వెల్లడికి అడ్డంకులు తొలగిపోయాయి. జీవో నం.29కు వ్యతిరేకంగా దాఖలైన పిటిషన్లను సుప్రీంకోర్టు కొట్టివేసింది. జీవో 29ను సవాలు చేయడంతో పాటు వికలాంగుల రిజర్వేషన్‌ అంశాలపై పలువురు గ్రూప్‌-1 అభ్యర్థులు సుప్రీంకోర్టును ఆశ్రయించడం, దానిపై టీజీపీఎస్సీ కేవియట్‌ పిటిషన్‌ దాఖలు చేసిన విషయం తెలిసిందే. విచారణ జరిపి అభ్యర్థుల పిటిషన్లను కొట్టివేసిన సుప్రీంకోర్టు.. టీజీపీఎస్సీ గ్రూప్‌ 1 ఫలితాల వెల్లడికి అనుమతించింది.
దీంతో టీఎస్‌పీఎస్సీ గ్రూప్‌-1 ఫలితాలను సోమవారం (మార్చి 10) టీజీపీఎస్సీ కమిషన్ విడుదల చేసింది. గ్రూప్‌-1 నియామకాలపై అభ్యర్థులు పలు అభ్యంతరాలతో హైకోర్టును ఆశ్రయించారు. ఈ పిటిషన్లను హైకోర్టు కొట్టివేయడంతో సుప్రీంకోర్టులో పిటిషన్‌ వేశారు. తాజాగా గ్రూప్‌-1 ఫలితాల వెల్లడికి అడ్డంకిగా మారిన పిటిషన్లను సుప్రీంకోర్టు కొట్టివేయడంతో ఫలితాల విడుదలకు మార్గం సుగమమైంది. దీంతో తెలంగాణ రాష్ట్రం ఏర్పాటైన తర్వాత 11 ఏళ్లకు తొలిసారి గ్రూప్‌-1 నియామకాలు జరగనున్నాయి.
గత బీఆర్‌ఎస్‌ ప్రభుత్వ హయాంలో టీఎస్‌పీఎస్సీ గ్రూప్‌ 1 పరీక్ష ప్రశ్నాపత్రం లీకవడంతో రద్దయింది. అనంతరం కాంగ్రెస్‌ ప్రభుత్వం అధికారంలోకి వచ్చిన తర్వాత గ్రూప్‌-1 పరీక్షను మళ్లీ నిర్వహించింది. అయితే ఈ పరీక్షను వాయిదా వేయాలని కొందరు అభ్యర్థులు డిమాండ్‌ చేసినప్పటికీ ప్రభుత్వం పట్టించుకోకుండా పరీక్ష నిర్వహించింది. ప్రస్తుతం సుప్రీంకోర్టు గ్రీన్‌సిగ్నల్‌ ఇవ్వడంతో ఫలితాలు సోమవారం (మార్చి 10) విడుదల చేశారు.
రచయిత గురించికిషోర్‌ రెడ్డికిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.… ఇంకా చదవండి