వెంటిలేటెడ్ సీట్లు కలిగిన అత్యంత సరసమైన కార్ల జాబితాలో టాటా ఆల్టోజ్ రేసర్ ముందు వరుసలో ఉంటుంది. టాటా ఆల్టోజ్ రేసర్ టాప్-ఎండ్ ఆర్-3 వేరియంట్‌లో సన్‌రూఫ్ ఫీచర్ అందుబాటులో ఉంది. అలాగే ఆల్టోజ్ శ్రేణిలోని మిగిలిన వాటిలా కాకుండా ఆల్టోజ్ రేసర్ సిక్స్ స్పీడ్ మాన్యువల్ గేర్ బాక్స్‌తో జత చేసిన 1.2 లీటర్ టర్బో-పెట్రోల్ ఇంజిన్‌తో వస్తుంది. ఈ కారు ధర రూ.11 లక్షలు (ఎక్స్-షోరూమ్)గా ఉంది.
కియా సైరోస్ ఇటీవల రిలీజ్ అయ్యింది. ఈ కారు కూడా ముందు, వెనుక వెంటిలేటెడ్ సీట్లతో పాటు సన్‌రూఫ్ ఫీచర్‌తో వస్తుంది. కియా సైరోస్ యొక్క హై-స్పెక్ హెచ్‌టీఎక్స్, హెచ్‌టీఎక్స్ ప్లస్, టాప్- స్పెక్ హెచ్‌టీఎక్స్ ప్లస్(ఓ) వేరియంట్లలో వెంటిలేటెడ్ ఫ్రంట్ సీట్లు ఆకట్టుకుంటాయి. అయితే రేంజ్-టాపింగ్ హెచ్‌టీఎక్స్ ప్లస్ (ఓ) ట్రిమ్ వెంటిలేటెడ్ రియర్ బెంచ్‌తో ఆకర్షిస్తుంది. అలాగే ఈ కారు ధర రూ.13.30 లక్షల నుంచి రూ.17.80 లక్షల (ఎక్స్- షోరూమ్) మధ్య ఉంటుంది.
మారుతి సుజుకి ఎక్స్ఎల్6 కారు సుజుకి ఎర్టిగా కారు అంత ప్రజాదరణ పొందలేదు. కానీ ఈ ప్రీమియం ఎంపీవీ విస్తృత శ్రేణి అపమార్కెట్ లక్షణాలతో వస్తుంది. ఈ కారు ధర రూ.13.31 లక్షల నుంచి రూ. 14.71 లక్షల (ఎక్స్-షోరూమ్) మధ్య ఉంటుంది. ఈ ఫీచర్‌తో ఈ జాబితాలో అత్యంత సరసమైన ఎంపీవీగా ఉంటుంది. ఎంపీవీ ఈ ఫీచర్‌ను టాప్- స్పెక్ అల్ఫా ప్లస్ ట్రిమ్లో మాత్రమే కలిగి ఉంది. ఎక్స్ఎల్6కి శక్తినిచ్చేది 1.5 లీటర్ పెట్రోల్ ఇంజిన్, ఇది ఐదు-స్పీడ్ మాన్యువల్ గేర్‌బాక్స్, ఆరు-స్పీడ్ ఆటోమేటిక్ యూనిట్ వంటి ట్రాన్స్ మిషన్ ఎంపికలతో లభిస్తుంది.
భారతదేశంలో అత్యధికంగా అమ్ముడవుతున్న ఎస్‌యూవీల్లో టాటా నెక్సాన్ ఒకటి. రూ.13.30 లక్షల నుంచి 15.60 లక్షల (ఎక్స్-షోరూమ్) మధ్య ఈ కారు ధర ఉంటుంది. ఈ కారు ఫియర్స్ ప్లస్ పీఎస్ ట్రిమ్ వెంటిలేటెడ్ సీట్లతో వస్తుంది. వెంటిలేటెడ్ సీట్లతో భారతదేశంలో అత్యంత సరసమైన పెట్రోల్ సీఎన్‌జీ కారు కూడా ఇదే. ఈ ఎస్‌యూవీలో 1.2 లీటర్ టర్బోచార్జ్ పెట్రోల్ ఇంజిన్ ఉంది. అలాగే 1.5 లీటర్ డీజిల్ పవర్డ్ వెర్షన్ కూడా ఉంది. ట్రాన్స్‌మిషన్ ఎంపికల విషయానికి వస్తే సిక్స్ స్పీడ్ మాన్యువల్ గేర్ బాక్స్, ఏఎంటీ యూనిట్, ఏడు-స్పీడ్ డీసీటీ ఆటోమేటిక్ యూనిట్ ఆకట్టుకుంటాయి.
భారతదేశంలో అత్యధికంగా అమ్ముడవుతున్న ఎలక్ట్రిక్ కార్లలో టాటా పంచ్ ఈవీ ఒకటిగా వస్తుంది. ఈ కారు కూడా వెంటిలేటెడ్ సీట్లతో వస్తుంది. అలాగే టాటా మోటార్స్ నుండి వచ్చిన అతి చిన్న ఎలక్ట్రిక్ ఎస్‌యూవీ అయిన పంచ్ ఈవీ టాప్-ఆఫ్-రేంజ్ ఎంపవర్డ్ + ట్రిమ్లో వెంటిలేటెడ్ సీట్లతో వస్తుంది. 25 కేడబ్ల్యూహెచ్, 35 కేడబ్ల్యూహెచ్ బ్యాటరీ ప్యాక్ ఎంపికలతో లభించే టాటా పంచ్ ఈవీ పూర్తి ఛార్జ్ పై 365 కి.మీ వరకు పరిధిని అందిస్తుంది. ఈ కారు ధర రూ.12.84 లక్షల నుంచి రూ.14.44 లక్షల (ఎక్స్- షోరూమ్) వరకు అందుబాటులో ఉంటుంది.
