RRB Mumbai : రైల్వే రిక్రూట్‌మెంట్‌ బోర్డ్‌ (Railway Recruitment Board) అసిస్టెంట్ లోకో పైలట్‌ పరీక్షకు సంబంధించిన ఫలితాలు విడుదల చేసింది. అధికారిక వెబ్సైట్ ద్వారా రిజల్ట్‌ చెక్‌ చేసుకోవచ్చు.
అలాగే.. అసిస్టెంట్ లోకో పైలట్‌ (Assistant Loco Pilot) పరీక్షకు సంబంధించి కట్‌ఆఫ్‌ మార్కులను కూడా రైల్వేశాఖ (Indian Railways) అధికారిక వెబ్‌సైట్‌లో పొందుపరిచింది. ఇక సీబీటీ 2 పరీక్షలు మార్చి 19, 20వ తేదీల్లో జరగనున్నట్లు ఇటీవలే రైల్వేబోర్డు వెల్లడించింది. అభ్యర్థులు పరీక్ష సెంటర్‌ వివరాలు 10 రోజులు ముందు, అడ్మిట్‌ కార్డులను 4 రోజులు ముందు అధికారిక వెబ్సైట్ నుంచి డౌన్‌లోడ్‌ చేసుకోవచ్చు.
మొత్తం 18,799 అసిస్టెంట్ లోకో పైలట్‌ పోస్టుల భర్తీ
దేశవ్యాప్తంగా వివిధ రైల్వే జోన్లలో మొత్తం 18,799 అసిస్టెంట్ లోకో పైలట్‌ (Assistant Loco Pilot) ఉద్యోగాలకు 2024 జనవరి నెలలో రైల్వే రిక్రూట్‌మెంట్‌ బోర్డు (Railway Recruitment Board) నోటిఫికేషన్‌ విడుదల చేసింది. ఈ ప్రకటనలో భాగంగా సికింద్రాబాద్ రైల్వే జోన్‌లో 2,528 ఖాళీలను భర్తీ చేయనున్నారు. అయితే.. ఈ ALP పోస్టుల భర్తీకి సంబంధించిన కంప్యూటర్‌ బేస్డ్‌ పరీక్షలు (CBT 1) 2024 నవంబర్‌ 25, 26, 27, 28, 29 తేదీల్లో నిర్వహించారు. ఫస్ట్‌ స్టేజ్‌ సీబీటీ-1, సెకండ్‌ స్టేజ్‌ సీబీటీ-2, కంప్యూటర్‌ బేస్డ్‌ ఆప్టిట్యూడ్‌ టెస్ట్‌, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఈ అసిస్టెంట్ లోకో పైలట్‌ పోస్టులకు అభ్యర్థులను ఎంపిక చేస్తారు.
ఆర్‌ఆర్‌బీ ఏఎల్‌పీ ఖాళీలు భర్తీ చేయనున్న రీజియన్లు ఇవే:
అహ్మదాబాద్, అజ్‌మేర్, బెంగళూరు, ముజఫర్‌పూర్, పట్నా, ప్రయాగ్‌రాజ్, రాంచీ, సికింద్రాబాద్, సిలిగురి, భోపాల్, భువనేశ్వర్, బిలాస్‌పూర్, చండీఘడ్‌, చెన్నై, గువాహటి, జమ్ము అండ్‌ శ్రీనగర్, కోల్‌కతా, మాల్దా, ముంబై, తిరువనంతపురం, గోరఖ్‌పూర్.. తదితర ఆర్‌ఆర్‌బీ రీజియన్లలో ఈ అసిస్టెంట్ లోకో పైలట్‌ (RRB ALP) పోస్టులను భర్తీ చేయనున్నారు. ఆర్‌ఆర్‌బీ Assistant Loco Pilot పోస్టులకు ఎంపికైన వారికి నెలకు రూ.19,900 నుంచి రూ.63,200 వరకు జీతం ఉంటుంది. అయితే.. పూర్తి వివరాలను నోటిఫికేషన్‌లో చెక్‌ చేసుకోవచ్చు.
రచయిత గురించికిషోర్‌ రెడ్డికిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.… ఇంకా చదవండి