అన్నం వండడానికి ముందు బియ్యం శుభ్రంగా కడిగి బాగా నానబెట్టాలి. ఆ నీటిని తొలగించి.. బియ్యాన్ని మళ్ళీ మంచినీటితో వండుతారు. అయితే ఇలా బియ్యం కడిగిన నీళ్లు వివిధ ఆరోగ్య సమస్యల నుంచి రక్షించడంలో సహాయపడుతుంది. బియ్యం నీరు అతిసారం, కడుపు నొప్పి, అలసట, జ్వరాన్ని తగ్గించడంలో కూడా ఉపయోగపడుతుంది. బియ్యం నీరు ఆరోగ్యకరమైనది మాత్రమే కాదు.. పొడి చర్మాన్ని అందంగా మార్చడంలో కూడా ఇది అనేక ప్రయోజనాలను అందిస్తుంది. జపనీస్ లేదా కొరియన్ చర్మ సంరక్షణ దినచర్యలను పరిశీలించడం వల్ల అందాన్ని కాపాడుకోవడానికి బియ్యం వాడకానికి ప్రాధాన్యత పెరిగింది. జపనీస్, కొరియన్ మహిళలు మృదువైన చర్మం కోసం బియ్యం పిండి లేదా బియ్యం కడిగిన నీటిని ఉపయోగిస్తారు. ఇది చర్మాన్ని తాజాగా, యవ్వనంగా ఉంచుతుంది.
బియ్యం నీటిని ముఖ్యంగా ప్రకాశవంతమైన యాంటీ ఏజింగ్ చర్మ సంరక్షణ కోసం ఉపయోగిస్తారు. అయితే మొటిమలకు చికిత్స చేయడానికి, నివారించడానికి, మొటిమల మచ్చలు, హైపర్‌పిగ్మెంటేషన్, నల్లటి మచ్చలను తొలగించడానికి, ముఖంపై అకాల వృద్ధాప్య సంకేతాలను తొలగించడానికి, పెదవుల చర్మం, కళ్ళ చుట్టూ ఉన్న చర్మానికి సంబంధించిన సమస్యకు బియ్యాన్ని సౌందర్య సాధనంగా ఉపయోగిస్తారని చాలా మందికి తెలియదు. బియ్యం కడిగిన నీటిలో పెద్ద మొత్తంలో అమైనో ఆమ్లాలు, విటమిన్లు, అనేక ఖనిజాలు ఉంటాయి. యాంటీఆక్సిడెంట్లు, యాంటీ ఇన్ఫ్లమేటరీ లక్షణాలు ఉంటాయి. బియ్యం కడిగిన నీరు చర్మాన్ని తేమగా ఉంచడంలో సహాయపడుతుంది. మెరిసే చర్మం కోసం, బియ్యం కడిగిన నీటిలో వివిధ పదార్థాలను కలిపి ఇంట్లోనే ఫేస్ మాస్క్‌లను కూడా యారు చేసుకోవచ్చు.
కప్పు బియ్యాన్ని తీసుకుని నీటిలో 30 నిమిషాలు నానబెట్టాలి. తర్వాత నీటిని వడకట్టి ఒక గిన్నెలో పోయాలి. లేదంటే బియ్యం నీళ్లు తయారు చేయడానికి రెండవ మార్గం బియ్యం ఉడికించాలి. ఆ నీళ్ళను ఓ గిన్నెలోకి తీసుకోవాలి. కావాలంటే ఈ నీటిని ఫ్రిజ్‌లో ఉంచి వారం వరకు ఉపయోగించవచ్చు. ఈ నీటిని ఫేస్ టోనర్‌గా వినియోగించవచ్చు. ఇది టాన్, యాంటీ ఏజింగ్ నుంచి రక్షిస్తుంది. బియ్యం నీటితో ఫేస్ మాస్క్ కూడా తయారు చేసుకోవచ్చు. ఇది చర్మాన్ని ప్రకాశవంతంగా మార్చుతుంది. చర్మంపై ఉన్న నల్లటి మచ్చలను తొలగించడంలో కూడా చాలా ప్రభావవంతంగా ఉంటుంది. మొటిమలు, మొటిమల మచ్చలు తగ్గించడానికి, మెరిసే చర్మాన్ని పొందడానికి ఐస్ క్యూబ్ చికిత్స కూడా చేయవచ్చు. మీరు వారానికి రెండుసార్లు ముఖ చర్మానికి ఐస్ క్యూబ్స్ రూపంలో బియ్యం నీటిని ఉపయోగిస్తే మంచి ఫలితం కనిపిస్తుంది.
మరిన్ని ఆరోగ్య కథనాల కోసం క్లిక్‌ చేయండి.
