Pakistan Earthquake: మయన్మార్, థాయిలాండ్‌లలో సృష్టించిన విధ్వంసం నుంచి తేరుకోక ముందే..ఇప్పుడు పాకిస్తాన్‌లో భూకంపం కలకలం రేపింది. పాకిస్తాన్‌లో అర్థరాత్రి బలమైన భూకంపం సంభవించింది. భూకంపం కారణంగా ఎటువంటి నష్టం జరిగినట్లు ప్రస్తుతానికి వార్తలు లేవు. నేషనల్ సెంటర్ ఫర్ సీస్మోలజీ ప్రకారం, ఈ భూకంపం ఏప్రిల్ 2న తెల్లవారుజామున 2:58 గంటలకు పాకిస్తాన్‌లో సంభవించింది. ఈ భూకంపం తీవ్రత రిక్టర్ స్కేలుపై 4.3గా నమోదైంది. భూకంపం తర్వాత ప్రజలు భయాందోళనకు గురయ్యారు. USGS ప్రకారం, భూకంప కేంద్రం బలూచిస్తాన్‌లోని ఉతల్‌కు తూర్పు-ఆగ్నేయంగా 65 కి.మీ దూరంలో 10 కి.మీ లోతులో ఉంది.
భూమి టెక్టోనిక్ ప్లేట్ల కదలిక లేదా ఢీకొనడం వల్ల భూకంపాలు సంభవిస్తాయి. ఏదో ఒక కారణం వల్ల పలకల మధ్య ఉన్న శక్తి అకస్మాత్తుగా విడుదల అయినప్పుడు, భూమి కంపించడం ప్రారంభమవుతుంది. ఈ శక్తి భూకంప తరంగాల రూపంలో వ్యాపించి భూమిని కంపిస్తుంది. అగ్నిపర్వత విస్ఫోటనాలు, గనుల పేలుళ్లు కూడా భూకంపాలకు కారణమవుతాయి.
