Telangana 14236 Anganwadi Jobs : తెలంగాణలో ఉద్యోగార్థులు ఎంతో కాలంగా ఎదురుచూస్తున్న అంగన్ వాడీ ఉద్యోగాలు భర్తీకి సంబంధించి త్వరలో శుభవార్త రానుంది. వివరాల్లోకెళ్తే..
హైలైట్:
- తెలంగాణ జాబ్ రిక్రూట్మెంట్ 2025
- 14,236 అంగన్‌వాడీ ఖాళీల భర్తీకి ప్రణాళిక
- ఏ క్షణమైనా నోటిఫికేషన్ విడుదల
తాజా సమాచారం ప్రకారం.. తొలుత మహిళా శిశు సంక్షేమ శాఖలో 14,236 అంగన్ వాడీ, హెల్త్ డిపార్ట్మెంట్లో 4 వేలకు పైగా పోస్టులకు నోటిఫికేషన్లను ఏప్రిల్‌ నెలఖారులోగా రిలీజ్ చేయాలని ప్రభుత్వం ప్లాన్ చేస్తున్నట్లు తెలుస్తోంది. అలాగే.. తెలంగాణ ఆర్టీసీలో 3038 పోస్టుల భర్తీకి ప్రభుత్వ అనుమతి వచ్చినట్లు ఆర్టీసీ ఎండీ సజ్జనార్ తాజాగా వెల్లడించారు. ఈ నోటిఫికేషన్ కూడా త్వరలో విడుదల కానుంది. కాగా.. మిగిలిన శాఖల నుంచి ఖాళీలపై స్పష్టత రావాల్సి ఉంది.
గత ఏడాది ప్రకటించిన జాబ్క్యాలెండర్ ప్రకారం ఈ ఏడాది ఏప్రిల్లో పోలీసు రిక్రూట్మెంట్, మేలో టీజీపీఎస్సీ గ్రూప్-2 సర్వీసెస్‌కు సంబంధించి నోటిఫికేషన్, జులైలో గ్రూప్ 3 నోటిఫికేషన్ విడుదల కావాల్సి ఉంది. అయితే.. ఫిబ్రవరిలో ఫారెస్ట్ బీట్ ఆఫీసర్ నోటిఫికేషన్‌ను షెడ్యూల్ చేయగా.. ఎస్సీ వర్గీకరణ కోసం నిలిపేశారు. గురుకుల ఉద్యోగాలు, సింగరేణి కాలరీస్, ఇంజినీరింగ్ పోస్టుల నోటిఫికేషన్లు కూడా నిలిచిపోయాయి. వీటన్నింటిపై ప్రభుత్వం మరోసారి రివ్యూ చేసి.. జాబ్ క్యాలెండర్ను రీషెడ్యూల్ చేయనున్నట్లు తెలుస్తోంది. ఇకపై విడుదల చేయబోయే నోటిఫికేషన్లు ఎస్సీ వర్గీకరణ ప్రకారం రోస్టర్ ఫిక్స్ చేసి విడుదల చేయనుంది.
ఇంటర్మీడియట్‌ అర్హత!
గతంలో అంగన్‌వాడీ టీచర్‌ పోస్టులకు కనీసం 10 తరగతి ఉత్తీర్ణత ఉండాలన్న నిబంధన ఉండేది. కానీ కేంద్రం జారీ చేసిన నూతన మార్గదర్శకాల ప్రకారం.. అంగన్‌వాడీ టీచర్‌తో పాటు హెల్పర్లకు కనీసం ఇంటర్‌ పాసైన అనుభవం ఉండాలి. దీంతో ఇంటర్మీడియట్‌ అర్హతను తప్పనిసరి చేయనున్నట్లు తెలుస్తోంది. అంగన్‌వాడీ పోస్టుల భర్తీకి వయోపరిమితి 18 నుంచి 35 ఏళ్లుగా కేంద్రం పేర్కొంది. అదే ఇక్కడ కూడా వర్తింప చేసే అవకాశం ఉంది. ఈ అంశాలపై నోటిఫికేషన్ విడుదలయ్యాక స్పష్టత వస్తుంది.
రచయిత గురించికిషోర్‌ రెడ్డికిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.… ఇంకా చదవండి
