కాల్షియం మన శరీర పోషణకు, ముఖ్యంగా ఎముకలకు అవసరమైన ఖనిజం.. ఎముకలను బలోపేతం చేయడానికి, శరీరంలోని పోషక లోపాన్ని తీర్చడానికి ప్రజలు తరచుగా కాల్షియం సప్లిమెంట్లను ఉపయోగిస్తారు. ముఖ్యంగా వైద్యులు గర్భధారణ సమయంలో లేదా రుతువిరతి తర్వాత మహిళలు కాల్షియం మాత్రలు తీసుకోవాలని సలహా ఇస్తారు. కానీ చాలాసార్లు పలు ప్రశ్నలు ఉత్పన్నమవుతుంటాయి.. కాల్షియం తీసుకోవడం వల్ల మూత్రపిండాల్లో రాళ్లు ఏర్పడతాయా..? ఇది నిజమేనా..? అనే సందేహం కలుగుతుంటుంది.
ఎముకలు – దంతాలను బలోపేతం చేయడానికి కాల్షియం చాలా ముఖ్యం. దీనితో పాటు, గుండె – కండరాల సరైన పనితీరుకు కూడా కాల్షియం అవసరం. శరీరంలో కాల్షియం లోపం ఉంటే, ఎముకలు బలహీనపడటం ప్రారంభమవుతుంది.. ఇది ఆస్టియోపోరోసిస్ వంటి వ్యాధులకు దారితీస్తుంది. అందువల్ల, ఆహారం నుండి శరీరానికి తగినంత కాల్షియం లభించనప్పుడు, వైద్యులు కాల్షియం సప్లిమెంట్లను తీసుకోవాలని సిఫార్సు చేస్తారు.
రాళ్ళు – కాల్షియం మధ్య సంబంధం
కాల్షియం మాత్రలు తీసుకోవడం వల్ల రాళ్లు వచ్చే ప్రమాదం పెరుగుతుందని చాలా మంది నమ్ముతారు. కానీ దీనిని సరిగ్గా అర్థం చేసుకోవాలి. రాళ్లు కాల్షియం వల్ల మాత్రమే కాకుండా శరీరంలోని అనేక ముఖ్యమైన ఖనిజాల అసమతుల్యత వల్ల కూడా సంభవిస్తాయి.
శరీరంలో రాళ్ళు ఏర్పడినప్పుడు..
సఫ్దర్‌జంగ్ హాస్పిటల్‌లోని నెఫ్రాలజీ విభాగంలో HOD ప్రొఫెసర్ డాక్టర్ హిమాన్షు వర్మ వివరిస్తూ.. శరీరంలోని కాల్షియం, ఆక్సలేట్ – యూరిక్ యాసిడ్ పెద్ద మొత్తంలో కలిసిపోయి మూత్రపిండాలలో పేరుకుపోవడం ప్రారంభించినప్పుడు రాళ్ళు ఏర్పడతాయి. తక్కువ నీరు వినియోగించినప్పుడు, పేరుకుపోయిన కాల్షియం, ఆక్సలేట్ – యూరిక్ యాసిడ్ మూత్రం ద్వారా బయటకు రాలేనప్పుడు ఇది జరుగుతుంది.. తరువాత అవి క్రమంగా ఘనీభవించి రాళ్ల రూపాన్ని తీసుకుంటాయి.
సప్లిమెంట్ల వల్ల ఎంత ప్రమాదం ఉంటుంది..
మీరు ఎక్కువగా కాల్షియం తీసుకుంటుంటున్నా.. అలాగే.. కాల్షియం సప్లిమెంట్లు తీసుకోవడం వల్ల రాళ్ల ప్రమాదం పెరుగుతుంది. అలాగే, మీరు తగినంత నీరు తాగకపోయినా.. మీ ఆహారంలో ఇప్పటికే అధిక మొత్తంలో కాల్షియం, ఆక్సలేట్ ఉన్నా.. రాళ్ల ప్రమాదం ఉంటుంది..
అయితే.. కాల్షియం సమతుల్య మొత్తంలో.. ముఖ్యంగా.. వైద్యుడి సలహా ప్రకారం తీసుకుంటే, ప్రమాదం చాలా తక్కువగా ఉంటుంది.
ఆహారం నుండి కాల్షియం తీసుకోవడం సురక్షితం..
మీరు ఆహారం నుండి కాల్షియం తీసుకుంటే, సప్లిమెంట్లతో పోలిస్తే రాళ్ళు ఏర్పడే ప్రమాదం తక్కువగా ఉంటుంది.
పాలు, పెరుగు, జున్ను, ఆకుకూరలు, బాదం కాల్షియం మంచి వనరులు. ఇవి శరీరానికి అవసరమైన పోషకాలను అందించడమే కాకుండా శరీరం వాటిని సులభంగా జీర్ణం చేసుకోగలదు..
ఎవరు ఎక్కువ జాగ్రత్తగా ఉండాలి?
- ఇప్పటికే కిడ్నీలో రాళ్ల సమస్య ఉన్నవారు.
- వారి కుటుంబంలో రాళ్ల చరిత్ర ఉన్నవారు.
- యూరిక్ యాసిడ్ సమస్య ఉన్నవారు.
- అలాంటి వారు వైద్యుడిని సంప్రదించకుండా కాల్షియం సప్లిమెంట్లను తీసుకోకూడదు.
రాళ్లను ఎలా నివారించాలి?
ప్రతిరోజూ 2 నుండి 3 లీటర్ల నీరు తాగాలని నిర్ధారించుకోండి.
వీలైతే, టీ, కాఫీ, శీతల పానీయాల వినియోగాన్ని తగ్గించండి.
మీ ఆహారంలో ఉప్పు మొత్తాన్ని తగ్గించండి
ప్రాసెస్ చేసిన ఆహారానికి దూరంగా ఉండండి.
ముఖ్యంగా ఇంట్లో వండిన ఆహారాన్ని తినండి.
మీ ఆహారంలో పండ్లు – కూరగాయలను చేర్చుకోండి.
మీకు ఏమైనా సమస్య ఉంటే.. వెంటనే వైద్యులను సంప్రదించండి..
మరిన్ని హెల్త్ వార్తల కోసం ఇక్కడ క్లిక్ చేయండి..
[