RRB NTPC Admit Card 2025 : ఆర్ఆర్బీ ఎన్‌టీపీసీ పరీక్ష తేదీల కోసం అభ్యర్థులు ఆసక్తిగా ఎదురుచూస్తున్నారు. అయితే ఈ పరీక్షల షెడ్యూల్‌ను రైల్వే రిక్రూట్మెంట్ బోర్డ్ త్వరలో విడుదల చేయనుంది.
హైలైట్:
- ఆర్ఆర్బీ ఎన్‌టీపీసీ రిక్రూట్మెంట్
- త్వరలో పరీక్షల షెడ్యూల్‌ విడుదల
- మొత్తం 11,558 పోస్టుల భర్తీ
ఖాళీలను భర్తీ చేయనున్న ఆర్ఆర్బీ రీజియన్లు ఇవే: అహ్మదాబాద్, అజ్‌మేర్, బెంగళూరు, భోపాల్, భువనేశ్వర్, బిలాస్‌పూర్, చండీగఢ్, చెన్నై, గువాహటి, గోరఖ్‌పుర్, జమ్ము అండ్‌ శ్రీనగర్, కోల్‌కతా, మాల్దా, ముంబయి, ముజఫర్‌పూర్, పట్నా, ప్రయాగ్‌రాజ్, రాంచీ, సికింద్రాబాద్, సిలిగురి, తిరువనంతపురం రీజియన్లలో ఈ ఖాళీలను భర్తీ చేయనున్నారు. అభ్యర్థులు పూర్తి వివరాలను https://www.rrbapply.gov.in/ వెబ్‌సైట్‌లో చెక్ చేసుకోవచ్చు.
ఆర్ఆర్బీ ఎన్‌టీపీసీ (RRB NTPC) ఇంటర్, డిగ్రీ పోస్టులకు పరీక్ష విధానం, సిలబస్‌ ఒకటే ఉంటుంది. అందువల్ల డిగ్రీ విద్యార్హత ఉన్నవారు రెండింటికీ పోటీ పడొచ్చు. పరీక్షలు మాత్రం విడిగానే నిర్వహిస్తారు. డిగ్రీతో పోలిస్తే ఇంటర్మీడియట్‌ పోస్టుల ప్రశ్నలు కొంచెం తక్కువ కఠినంగా ఉంటాయి. గ్రాడ్యుయేట్ పోస్టుల్లో చీఫ్ కమర్షియల్ కమ్ టికెట్ సూపర్‌వైజర్, స్టేషన్ మాస్టర్, గూడ్స్ ట్రైన్ మేనేజర్, జూనియర్ అకౌంట్ అసిస్టెంట్ కమ్ టైపిస్ట్, సీనియర్ క్లర్క్ కమ్ టైపిస్ట్ పోస్టులు ఉన్నాయి.
అండర్ గ్రాడ్యుయేట్ కేటగిరీలో చూస్తే.. కమర్షియల్ కమ్ టికెట్ క్లర్క్, అకౌంట్ క్లర్క్, ట్రైన్స్ క్లర్క్, జూనియర్ క్లర్క్ కమ్ టైపిస్టు ఉద్యోగాలు ఉన్నాయి. ఈ కమర్షియల్ క్లర్క్ కమ్ టికెట్ క్లర్క్ ఉద్యోగాలకు లెవెల్‌-3 జీతం చెల్లిస్తారు. వీరికి రూ.21,700 మూల వేతనం ఉంటుంది. అన్నీ కలిపి సుమారు రూ.40,000 అందుకోవచ్చు. మిగిలినవి లెవెల్‌-2 ఉద్యోగాలు. వీటికి రూ.19,900 మూల వేతనం ఉంటుంది. అన్నీ కలిపి మొదటి నెల నుంచే సుమారు రూ.36,000 అందుకోవచ్చు. ఇక ఈ రైల్వే ఉద్యోగాల భర్తీకి సంబంధించిన రాత పరీక్ష తేదీలను త్వరలో వెల్లడించనున్నారు.
రచయిత గురించికిషోర్‌ రెడ్డికిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.… ఇంకా చదవండి