నంద్యాల జిల్లాలో చిరుతపులి సంచారం కలకలం రేపింది. స్థానిక పాణ్యం మండలం కందికాయపల్లె సోలార్ ప్లాంట్ పరిసర ప్రాంతాల్లో చిరుత సంచారం చేస్తోంది. మంగళవారం సాయంత్రం సోలార్ ప్లాంట్‌లో చిరుత సంచారం చేయగా.. ప్లాంట్ సీసీటీవీ కెమెరాల్లో ఆ దృశ్యాలు అన్ని రికార్డు అయ్యాయి. దీంతో సోలార్ ప్లాంట్ సిబ్బంది.. ముఖ్యంగా నైట్ షిఫ్ట్ చేసేవాళ్లు తీవ్ర భయభ్రాంతులకు గురవుతున్నారు. మరోవైపు ఇటీవల శ్రీశైలంలోని జనావాసాల్లో కూడా చిరుత సంచరించడంతో.. యాత్రికులు, స్థానికులు భయపడుతున్నారు. త్వరతగిన చిరుతను అటవీశాఖ సిబ్బంది బంధించాలని కోరుతున్నారు.