భారత ప్రధానమంత్రి మోదీ నేతృత్వంలోని కేంద్ర ప్రభుత్వం దేశంలో ఉపాధిని ప్రోత్సహించడానికి ప్రధాన మంత్రి విక్షిత్ భారత్ రోజ్‌గార్ యోజన పథకాన్ని తీసుకువచ్చింది. ఉపాధి, ఆర్థిక స్వాలంభన ప్రోత్సహించడానికి గణనీయమైన కృషిలో భాగంగా, ప్రాంతీయ ప్రావిడెంట్ ఫండ్ కమిషనర్ విశాల్ అగర్వాల్ హైదరాబాద్‌లో అవగాహన సదస్సు నిర్వహించారు. ఈ సందర్భంగా దక్షిణ భారత యజమానుల సమాఖ్య – AP&TS ప్రతినిధులతో సమావేశమయ్యారు. ప్రధాన మంత్రి విక్షిత్ భారత్ రోజ్‌గార్ యోజన, EPFO ద్వారా ఇటీవలి ప్రక్రియ సరళీకరణలు, సాంకేతిక పురోగతులపై అవగాహన కల్పించారు.
భారతదేశ విస్తారమైన శ్రామిక శక్తికి అధికారికీకరణ, సామాజిక భద్రతను ప్రోత్సహింస్తున్నట్లు విశాల్ అగర్వాల్ తెలిపారు. ముఖ్యంగా తయారీ రంగాలలో 3.5 కోట్ల ఉద్యోగాలను సృష్టించడం లక్ష్యంగా పెట్టుకున్న ఈ పథకం సామర్థ్యాన్ని అగర్వాల్ వివరించారు. ఈ పథకం కింద, మొదటిసారి EPFOలో నమోదు చేసుకునే యువతకు ప్రభుత్వం నుండి అందే సహాయాన్ని వెల్లడించారు. ఈ సందర్భంగా ప్రధాన మంత్రి విక్షిత్ భారత్ రోజ్‌గార్ యోజన ముఖ్య ప్రయోజనాలను ప్రాంతీయ ప్రావిడెంట్ ఫండ్ కమిషనర్ విశాల్ అగర్వాల్ వివరించారు. మొదటిసారి ఉద్యోగంలో చేరినప్పుడు, కేంద్ర ప్రభుత్వం తరుఫున రూ. 15,000 వరకు విడిగా బహుమతి ఇవ్వనున్నట్లు ఆయన తెలిపారు. అది కూడా జీతంతో పాటు. ప్రధాన మంత్రి వికాసిత్ భారత్ రోజ్‌గార్ యోజన నుండి అందుతుంది.
పథకం ముఖ్య ప్రయోజనాలుః
యజమానుల కోసం: నిరంతర ప్రాతిపదికన అదనపు ఉద్యోగులను నియమించుకునే యజమానులు వీటిని పొందవచ్చు:
• 2 సంవత్సరాల పాటు కొత్త ఉద్యోగి తరుఫున కంపెనీలకు నెలకు రూ. 3,000 వరకు సాయం.
• తయారీ రంగంలో యజమానులకు, ప్రోత్సాహకం 4 సంవత్సరాల వరకు విస్తరించి ఉంటుంది.
• నెలకు ₹1 లక్ష వరకు సంపాదిస్తున్న కొత్త నియామకాలకు వర్తిస్తుంది.
• 50 మంది కంటే తక్కువ మంది ఉద్యోగులు ఉన్న యజమానులు కనీసం 2 మంది కొత్త కార్మికులను నియమించుకోవాలి.
• 50 లేదా అంతకంటే ఎక్కువ మంది ఉద్యోగులు ఉన్న యజమానులు కనీసం 5 మందిని నియమించుకోవాలి. కనీసం 6 నెలల నిలుపుదల కాలం ఉండాలి.
మొదటిసారి ఉద్యోగుల కోసం:
• EPFO వ్యవస్థలోకి కొత్తగా ప్రవేశించిన వారు రెండు విడతలుగా ₹15,000/- వరకు అందుకుంటారు.
• 6 నెలల నిరంతర ఉపాధి తర్వాత మొదటి విడత
• 12 నెలల నిరంతర ఉపాధి తర్వాత రెండవ విడత, ఆర్థిక అక్షరాస్యత కార్యక్రమాన్ని విజయవంతంగా పూర్తి చేసిన తర్వాత అందుతుంది.
• దీర్ఘకాలిక ఆర్థిక ప్రణాళికను ప్రోత్సహించడానికి ప్రోత్సాహకంలో కొంత భాగాన్ని లాక్ చేసిన పొదుపు ఖాతాలో ఉంచుతారు.
సుమారు ₹1 లక్ష కోట్ల బడ్జెట్ వ్యయంతో కూడిన ఈ పథకాన్ని పూర్తిగా ఉపయోగించుకోవాలని, యజమానులు, ఉద్యోగులు ఇద్దరికీ ప్రయోజనం చేకూర్చేలా EPFO ద్వారా అందే పురోగతుల గురించి తెలుసుకోవాలని విశాల్ అగర్వాల్ యజమానులను కోరారు.
ఈ సందర్భంగా ఇంటరాక్టివ్ సెషన్‌లో, ప్రధాన మంత్రి విక్షిత్ భారత్ రోజ్‌గార్ యోజన పథకం ముఖ్యాంశాలు, EPFO ఇటీవలి ప్రక్రియ సరళీకరణలు, సాంకేతిక పురోగతిపై ప్రజెంటేషన్ ఇవ్వడం జరిగింది. తరువాత జరిగిన ప్రశ్నోత్తరాల సెషన్‌లో మీడియా అడిగిన ప్రశ్నలకు RPFC-I విశాల్ అగర్వాల్, అతని అధికారుల బృందం సమాధానాలు ఇచ్చారు.
ఇదిలావుంటే ఆగస్టు 1 వరకు ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO)లో రిజిస్టర్ అయిన కంపెనీలలో ఉద్యోగాలు పొందిన యువత ఈ పథకం ద్వారా ప్రయోజనం పొందుతారు. స్వాతంత్ర్య దినోత్సవం సందర్భంగా, మరిన్ని ఉపాధి అవకాశాలను కల్పించడానికి ప్రధానమంత్రి ప్రధానమంత్రి వికాసిత్ భారత్ రోజ్‌గార్ యోజనను ప్రారంభించారు. దీని కింద ప్రైవేట్ రంగంలో మొదటిసారి ఉద్యోగం పొందిన యువతకు 15 వేల ప్రోత్సాహక మొత్తాన్ని అందించడానికి నిబంధన విధించింది. ఇది రోజ్‌గార్ మహాకుంభ్‌లో ఉద్యోగాలు పొందిన యువతకు శుభవార్త. ఉద్యోగం పొందిన తర్వాత, కేంద్ర ప్రభుత్వం ఎంప్లాయీస్ ప్రావిడెంట్ ఫండ్ ఆర్గనైజేషన్‌లో కొత్తగా నియమితులైన యువత ఖాతాకు 15 వేల రూపాయలను పంపుతుంది. ఆగస్టు 15న ప్రధానమంత్రి నరేంద్ర మోదీ ప్రకటించిన తర్వాత, ఈ ప్రయోజనం మొదట రోజ్‌గార్ మహాకుంభ్‌లో ఉద్యోగాలు పొందిన యువతకు అందుతోంది.
ఈ పథకం కింద, మొదటిసారి EPFOలో నమోదు చేసుకునే యువతకు ప్రభుత్వం నుండి విడిగా రూ. 15000 వరకు లభిస్తుంది . ఇది మాత్రమే కాదు, ఉద్యోగాలు ఇచ్చే కంపెనీలకు ఒక్కో ఉద్యోగికి రూ. 3000 కూడా ఇవ్వడం జరుగుతంది. అది కూడా రెండేళ్ల పాటు. కంపెనీ తయారీ రంగానికి సంబంధించినది. అయితే, ఈ డబ్బు 4 సంవత్సరాల పాటు అందుబాటులో ఉంటుంది. అంటే ఉద్యోగార్థులు, ఉద్యోగం ఇచ్చేవారు ఇద్దరూ ఆనందించబోతున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి..