Duleep Trophy 2025 : దులీప్ ట్రోఫీ 2025 ఆగస్టు 28 నుంచి ప్రారంభం కానుంది. ఈ అద్భుతమైన టోర్నమెంట్ బెంగళూరులోని సెంటర్ ఆఫ్ ఎక్సలెన్స్లో జరగనుంది. మొత్తం 6 జట్లు ఈ ట్రోఫీ కోసం పోరాడనున్నాయి. అందులో నార్త్ జోన్, సౌత్ జోన్, వెస్ట్ జోన్, ఈస్ట్ జోన్, సెంట్రల్ జోన్, నార్త్-ఈస్ట్ జోన్లు ఉన్నాయి. ఈ టోర్నమెంట్ను గెలిచిన జట్టుకు భారీగా ప్రైజ్ మనీ లభిస్తుంది. అలాగే, ఫైనల్లో ఓడిన జట్టుకు కూడా లక్షల్లో డబ్బు దక్కుతుంది.
దలీప్ ట్రోఫీ ప్రైజ్ మనీ ఎంత?
భారత క్రికెట్ కంట్రోల్ బోర్డు (బీసీసీఐ) గతంలోనే దేశవాళీ క్రికెట్ ప్రైజ్ మనీని పెంచుతామని ప్రకటించింది. దాని ప్రకారం, ఈసారి దలీప్ ట్రోఫీ గెలిచిన జట్టుకు రూ. 1 కోటి ప్రైజ్ మనీ లభిస్తుంది. రన్నరప్ జట్టుకు రూ. 50 లక్షలు లభిస్తాయి. గతంలో విజేతకు రూ. 40 లక్షలు, రన్నరప్కు రూ. 20 లక్షలు మాత్రమే ఇచ్చేవారు.
టోర్నమెంట్ ఫార్మాట్, గత విజేత
దులీప్ ట్రోఫీ 2025లో మొత్తం 5 మ్యాచ్లు జరుగుతాయి. ఇందులో 2 క్వార్టర్ ఫైనల్స్, 2 సెమీఫైనల్స్, ఫైనల్ మ్యాచ్ ఉంటాయి. ఇవన్నీ నాకౌట్ మ్యాచ్లు. కాబట్టి, ఓడిన జట్టు టోర్నమెంట్ నుంచి బయటకు వెళ్తుంది. గత సీజన్ దులీప్ ట్రోఫీని సౌత్ జోన్ గెలిచింది. ఫైనల్లో వెస్ట్ జోన్ను 75 పరుగుల తేడాతో ఓడించింది. దీని కారణంగా ఈసారి వెస్ట్ జోన్, సౌత్ జోన్లకు నేరుగా సెమీఫైనల్లో ప్రవేశం లభించింది.
దులీప్ ట్రోఫీ జట్లు
సెంట్రల్ జోన్: ధ్రువ్ జురెల్ (కెప్టెన్), రజత్ పాటిదార్, ఆర్యన్ జుయాల్, దానిష్ మలేవార్, సంచిత్ దేశాయ్, కుల్దీప్ యాదవ్, ఆదిత్య ఠాకుర్, దీపక్ చాహర్, సారాంశ్ జైన్, ఆయుష్ పాండే, శుభమ్ శర్మ, యశ్ రాఠోడ్, హర్ష్ దూబే, మానవ్ సుతార్, ఖలీల్ అహ్మద్.
ఈస్ట్ జోన్: ఇషాన్ కిషన్ (కెప్టెన్), అభిమన్యు ఈశ్వరన్ (వైస్ కెప్టెన్), సందీప్ పట్నాయక్, విరాట్ సింగ్, డెనిష్ దాస్, శ్రీదామ్ పాల్, శరణ్దీప్ సింగ్, కుమార్ కుశాగ్ర, రియాన్ పరాగ్, ఉత్కర్ష్ సింగ్, మనీషి, సూరజ్ సింధు జైస్వాల్, ముఖేష్ కుమార్, ఆకాష్ దీప్, మొహమ్మద్ షమీ.
నార్త్ ఈస్ట్ జోన్: రోంగ్సెన్ జొనాథన్ (కెప్టెన్), అంకుర్ మాలిక్, జెహు ఆండర్సన్, ఆర్యన్ బోరా, తేచి డోరియా, ఆశిష్ థాపా, సెడేజాలి రూపెరో, కరణ్జీత్ యుమ్నామ్, హేమ్ ఛెత్రీ, పల్జోర్ తమాంగ్, అర్పిత సుభాష్ భటేవ్ (వికెట్ కీపర్), ఆకాష్ చౌదరి, బిశ్వోర్జీత్ కొంతౌజమ్, ఫిరోయిజమ్ జోతిన్, అజయ్ లమాబమ్ సింగ్.
నార్త్ జోన్: శుభ్మన్ గిల్ (కెప్టెన్), శుభమ్ ఖజూరియా, అంకిత్ కుమార్ (వైస్ కెప్టెన్), ఆయుష్ బదోని, యశ్ ధుల్, అంకిత్ కల్సి, నిశాంత్ సింధు, సాహిల్ లోత్రా, మయాంక్ డాగర్, యుద్ధవీర్ సింగ్ చరక్, అర్షదీప్ సింగ్, హర్షిత్ రాణా, అన్షుల్ కంబోజ్, ఔకిబ్ నబీ, కన్హయ్య వధవాన్ (వికెట్ కీపర్).
సౌత్ జోన్: తిలక్ వర్మ (కెప్టెన్), మొహమ్మద్ అజారుద్దీన్ (వైస్ కెప్టెన్), తన్మయ్ అగర్వాల్, దేవదత్త పడిక్కల్, మోహిత్ కాలే, సల్మాన్ నిజార్, ఎన్. జగదీసన్ (వికెట్ కీపర్), టి. విజయ్, ఆర్. సాయి కిషోర్, తనయ్ త్యాగరాజన్, విశాక్ విజయకుమార్, ఎం.డి. నిదీష్, రికీ భుయ్, బాసిల్ ఎన్.పి., గుర్జపనీత్ సింగ్, స్నేహల్ కౌతాంకర్.
వెస్ట్ జోన్: శార్దూల్ ఠాకూర్ (కెప్టెన్), యశస్వి జైస్వాల్, ఆర్య దేశాయ్, హర్విక్ దేశాయ్ (వికెట్ కీపర్), శ్రేయస్ అయ్యర్, సర్ఫరాజ్ ఖాన్, రుతురాజ్ గైక్వాడ్, జయమీత్ పటేల్, మనన్ హింగ్రాజియా, సౌరభ్ నవాలే (వికెట్ కీపర్), షమ్స్ ములానీ, తనుష్ కొటియన్, ధర్మేంద్రసింగ్ జడేజా, తుషార్ దేశ్పాండే, అర్జన్ నాగవాస్వాలా.
మరిన్ని క్రీడా వార్తల కోసం ఇక్కడ క్లిక్ చేయండి..