ఆర్‌ కె ఫిలిమ్స్‌, సిగ్ధ క్రియేషన్స్‌ బ్యానర్స్‌పై ప్రతాని రామదృష్ణ గౌడ్‌ స్వీయ దర్శకత్వంలో తెరకెక్కిన చిత్రం ‘దీక్ష’. కిరణ్‌, ఆలేఖ్యరెడ్డి హీరో, హీరోయిన్స్‌గా ఆక్స ఖాన్‌, తులసి, అనూష ప్రధాన పాత్రలలో నటించారు. లవ్‌, యాక్షన్‌ ఎంటర్టైనర్‌గా రూపుదిద్దుకుంటున్న ఈ చిత్రం షూటింగ్‌ పూర్తి చేసుకుని, పోస్ట్‌ ప్రొడక్షన్‌ కార్యక్రమాలు జరుపుకుంటోంది. ఈ సందర్భంగా దర్శక, నిర్మాత ప్రతాని రామకష్ణ గౌడ్‌ మాట్లాడుతూ,’ఒక వ్యక్తి దీక్ష, పట్టుదలతో పనిచేస్తే ఏదైనా సాధించవచ్చు అనే పాయింట్‌ను ఇతివత్తంగా తీసుకుని లవ్‌, యాక్షన్‌ ఎంటర్టైనర్‌గా ఈ చిత్రాన్ని తెరకెక్కిస్తున్నాం. చాలా అందమైన లొకేషన్స్‌లో చిత్రీకరణ పూర్తి చేశాం. పాటలు అద్భుతంగా వచ్చాయి. మా బ్యానర్‌కు మంచి పేరు తెచ్చే చిత్రం అవుతుంది. లవ్‌, యాక్షన్‌తో పాటు మైథలాజికల్‌ కాన్సెప్ట్‌ను కూడా జోడించి నిర్మించిన ఈ చిత్రంలో భీముడు పాత్రలో హీరో కిరణ్‌ అద్భుతమైన నటన కనపరచాడు. మా చిత్రం ద్వారా హీరో కిరణ్‌కి మంచి పేరు, గుర్తింపు వస్తాయి. స్పెషల్‌ సాంగ్‌లో ఆక్స ఖాన్‌ తనదైన శైలిలో డాన్స్‌ ఆదరగొట్టింది. సంగీత దర్శకుడు రాజ్‌ కిరణ్‌ అద్భుతమైన 5 పాటలు అందించారు. మధుప్రియ తదితర ముఖ్య గాయనీ గాయకులు తమ స్వరాన్ని అందించారు. ఆర్‌ఆర్‌ ఈ చిత్రానికి హైలైట్‌గా నిలుస్తుంది. ఈ చిత్రంలో 5ఫైట్స్‌ ఉన్నాయి. త్వరలోనే ప్రపంచ వ్యాప్తంగా ఈ చిత్రాన్ని భారీ స్థాయిలో రిలీజ్‌ చెయ్యడానికి ప్లాన్‌ చేస్తున్నాం’ అని అన్నారు. ‘ఈ సినిమా నా కెరీర్‌ను మలువు తిప్పే చిత్రం అవుతుంది. అంత బాగా వచ్చింది. నా తోటి నటీనటులందరూ బాగా నటించారు. ఆర్కే ఫిలిమ్స్‌ బ్యానర్‌లో నటించడం అదృష్టంగా భావిస్తున్నాను’ అని హీరో కిరణ్‌ చెప్పారు. నటి తులసి మాట్లాడుతూ, ‘ ఈ సినిమాలో మంచి క్యారెక్టర్‌ చేశాను. అవకాశం ఇచ్చిన దర్శకులు ఆర్కే గౌడ్‌కి కృతజ్ఞతలు’ అని తెలిపారు. ఈ చిత్రానికి నిర్మాతలు : ప్రతాని రామకృష్ణ గౌడ్‌, పి.అశోక్‌ కుమార్‌, దర్శకత్వం: ఆర్‌.కె.గౌడ్‌.
సరికొత్తగా ‘దీక్ష’
Written by RAJU
Published on: