ప్రతి ఒక్కరూ తమ ఇంట్లో శాంతి, సంపదలు నిలిచి ఉండాలని కోరుకుంటారు. అయితే కొన్ని ప్రత్యేకమైన వస్తువులను ఇంట్లో ఉంచడం ద్వారా అదృష్టాన్ని ఆకర్షించవచ్చని వాస్తు శాస్త్రం చెబుతోంది. ఇవి నెగటివ్ ఎనర్జీని తొలగించి సానుకూల శక్తిని పెంచడమే కాకుండా ఆర్థికంగా స్థిరతను కలిగిస్తాయని నమ్మకం. ఇంట్లో ధనలక్ష్మి కటాక్షానికి ఈ 9 వస్తువులు తప్పనిసరిగా ఉండాలి. అవేంటో ఇప్పుడు తెలుసుకుందాం.
నెమలి ఈకలు ఎంతో పవిత్రమైనవని శాస్త్రాలు చెబుతున్నాయి. ఇంట్లో వీటిని ఉంచడం వల్ల ప్రతికూల శక్తి తొలగిపోతుందని నమ్మకం. ప్రత్యేకంగా నెమలి ఈకలను పూజ గదిలో ఉంచి ప్రతిరోజూ భగవంతుడిని ఆరాధిస్తే ఇంట్లో సుఖసంపత్తులు పెరుగుతాయని చెబుతారు.
ఇంట్లో తూర్పు దిశలో లాఫింగ్ బుద్ధ విగ్రహాన్ని ఉంచడం చాలా శుభప్రదంగా ఉంటుంది. ఇది ఇంట్లో ఆనందాన్ని, ఆర్థికాభివృద్ధిని పెంచేందుకు సహాయపడుతుంది. ధనలక్ష్మిని ఆకర్షించేందుకు లాఫింగ్ బుద్ధను పెట్టడం మంచి ఫలితాలు ఇస్తుందని వాస్తు నిపుణులు సూచిస్తున్నారు.
చిన్న తాబేలు విగ్రహాన్ని ఇంట్లో ఉంచడం వల్ల ధనసంపత్తి పెరుగుతుందని నమ్మకం. ముఖ్యంగా ఇది వ్యాపారం చేసే వారికి ఎంతో లాభదాయకం. వాస్తు ప్రకారం తాబేలు శక్తిని నిలిపే స్వభావం కలిగి ఉండటంతో దీన్ని ఇంట్లో ఉంచడం ద్వారా ఆర్థికంగా స్థిరత లభిస్తుంది.
లక్ష్మీదేవి చిత్రాన్ని ఇంట్లో ఈశాన్య దిశలో ఉంచితే శుభశక్తి ప్రవహించి ఇంట్లో ధనసంపత్తి నిలుస్తుందని చెబుతారు. ఇది మాత్రమే కాకుండా ప్రతి శుక్రవారం లక్ష్మీదేవికి విశేష పూజలు చేస్తే ఆర్థిక సమస్యలు తొలగిపోతాయని నమ్మకం.
గవ్వలను పూజా స్థలంలో లేదా డబ్బులు నిల్వ చేసే చోట ఉంచితే అఖండ ఐశ్వర్యం కలుగుతుందని చెబుతారు. వ్యాపారస్తులు క్యాష్ కౌంటర్‌లో ఉంచితే ఇది అదనపు లాభాలను తెస్తుందని నమ్ముతారు.
పచ్చ కర్పూరం దహనం చేయడం ద్వారా ఇంట్లోని ప్రతికూల శక్తి తొలగిపోతుందని అదృష్టం మెరుగవుతుందని నమ్ముతారు. ప్రతి శుక్రవారం పచ్చ కర్పూరంతో హారతి ఇస్తే ఇంట్లో సుఖసంతోషాలు పెరుగుతాయని వాస్తు నిపుణులు సూచిస్తున్నారు.
తులసి మొక్కను ఇంట్లో నాటడం ద్వారా సానుకూల శక్తి పెరుగుతుందని చెబుతారు. లక్ష్మీదేవి కటాక్షం లభించాలంటే తులసిని ప్రతిరోజూ పూజ చేసి దీపారాధన చేయడం శ్రేయస్కరం.
ఇంట్లో లోహపు వినాయకుడి విగ్రహాన్ని ఉంచడం ద్వారా ప్రతికూల శక్తి తొలగిపోతుందని శుభశక్తులు పెరుగుతాయని నమ్ముతారు. ఇది ముఖ్యంగా కొత్త వ్యాపారాన్ని ప్రారంభించే వారికి మంచిదని వాస్తు నిపుణులు సూచిస్తున్నారు.
ఇంటి ప్రధాన ద్వారానికి మామిడాకుల తోరణాన్ని కడితే శుభశక్తి ప్రవహిస్తుందని చెబుతారు. ఇంటి ప్రధాన ద్వారం వద్ద తులసి నీటితో నిండిన కలశాన్ని ఉంచితే శుభశక్తులు ప్రవహించి ఇంట్లో సౌభాగ్యం నిలుస్తుందని నమ్ముతారు.
ప్రతి శుక్రవారం పూజా గదిలో యాలకులు, కర్పూరం కలిపి వెలిగించి లక్ష్మీదేవికి హారతి ఇవ్వాలి. ఆ పొగను ఇంట్లో చూపించడం వల్ల ఇంట్లో శుభశక్తులు పెరిగి కష్టాలు తొలగిపోతాయని నమ్మకం. ఈ వాస్తు చిట్కాలను పాటించి ఇంట్లో ధనసంపత్తిని పెంచుకునే ప్రయత్నం చేయండి.
