‘రాబిన్‌హుడ్‌’ బ్లాక్‌బస్టర్‌ ఖాయం : నితిన్‌

హీరో నితిన్‌ నటించిన తాజా కామెడీ ఎంటర్‌టైనర్‌ ‘రాబిన్‌హుడ్‌’. శ్రీలీల కథానాయికగా నటించింది. వెంకీ కుడుముల దర్శకత్వం వహించిన ఈ సినిమాని మైత్రి మూవీ మేకర్స్‌ నిర్మించింది. ఈ చిత్రంలో రాజేంద్రప్రసాద్‌ కీలక పాత్ర పోషించారు. ఈ సినిమా ఈనెల 28న థియేటర్లలో విడుదలకు సిద్ధమవుతోంది. ఈ సందర్భంగా మేకర్స్‌ భీమవరంలోని ఎస్‌ఆర్‌కెఆర్‌ ఇంనీరింగ్‌ కాలేజ్‌లో గ్రాండ్‌ ఈవెంట్‌ నిర్వహించారు. హీరో నితిన్‌ మాట్లాడుతూ, ‘ఈనెల 28న అందరికీ హాలీడే ఇవ్వాలని కాలేజ్‌ ప్రిన్సిపాల్‌ని కోరుతున్నాను (నవ్వుతూ). లేదంటే అందరూ మాస్‌ బంక్‌ కొట్టండి. మీ ఎనర్జీ చూస్తుంటే చాలా ఆనందంగా ఉంది. ఇది మా రవి చదువుకున్న కాలేజ్‌. ఇక్కడికి రావడం చాలా హ్యాపీగా ఉంది. అందరూ సినిమా చూడండి. మిమ్మల్ని డిజప్పాయింట్‌ చేయదు’ అని అన్నారు. ‘ఈనెల 28న సినిమా చూడండి. చాలా ఎంజారు చేస్తారు. చదువుకునే సమయంలో మంచి బ్రేక్‌ కోసం చూసే సినిమా ఇది’ అని హీరోయిన్‌ శ్రీలీల చెప్పారు. డైరెక్టర్‌ వెంకీ కుడుముల మాట్లాడుతూ,’మా సినిమా నుంచి వేర్‌ ఎవర్‌ యు గో, వన్‌ మోర్‌ టైం, అది దా సర్‌ ప్రైజ్‌.. మూడు పాటలు రిలీజ్‌ అయ్యాయి. ఈ మూడు పాటల్లానే ప్రతి కాలేజ్‌లో మూడు రకాల స్టూడెంట్స్‌ ఉంటారు. ఒకళ్ళు బాగా చదివి క్యాంపస్‌ ప్లేస్‌మెంట్స్‌లో వేర్‌ ఎవర్‌ యు గో ఐ ఫాలో అన్నట్లుగా జాబ్స్‌ కొట్టేశారు. రెండో క్యాటగిరీ వన్‌ మోర్‌ టైం అంటూ బ్యాక్‌ లాగ్స్‌ రాస్తుంటారు. రవి లాగా మూడో క్యాటగిరీ. ఆయన ఇంజనీరింగ్‌ చదివి ఇండియాస్‌ బిగ్గెస్ట్‌ ప్రొడ్యూసర్‌ అయ్యారు. ఏది చేసిన హార్ట్‌ ఫుల్‌గా చేయండి. డెఫినెట్‌గా సక్సెస్‌ అవుతారు. ఈ సినిమాని కూడా హార్ట్‌ఫుల్‌గా చేశాం. సినిమా చూసి మమ్మల్ని బ్లెస్‌ చేయండి’ అని చెప్పారు. ‘నేను ఈ కాలేజ్‌ ప్రోడక్ట్‌ని అని చెప్పులోవడం చాలా ఆనందంగా ఉంటుంది. నా క్లాస్‌మేట్స్‌, టీచర్స్‌ అందరికీ థ్యాంక్స్‌. ఈ సినిమా అద్భుతంగా వచ్చింది. ఈనెల 28న సినిమాకి వెళ్ళండి. చాలా ఎంజారు చేశారు. ఈ సినిమా పెద్ద బ్లాక్‌ బస్టర్‌ అవుతుందనే నమ్మకం ఉంది’ అని ప్రొడ్యూసర్‌ వై రవి శంకర్‌ తెలిపారు.