హీరో సాయి దుర్గ తేజ్‌ నటిస్తున్న మోస్ట్‌ ఎవైటెడ్‌ పాన్‌ ఇండియా ప్రాజెక్ట్‌ ‘సంబరాల యేటిగట్టు’. నూతన దర్శకుడు రోహిత్‌ కెపి దర్శకత్వం వహించిన ఈ యాక్షన్‌-ప్యాక్డ్‌ థ్రిల్లర్‌లో సాయి దుర్గ తేజ్‌ నెవెర్‌ బిఫోర్‌ అవతార్‌లో కనిపించనున్నారు. బ్లాక్‌బస్టర్‌ ‘హనుమాన్‌’తో భారీ విజయం సాధించిన తర్వాత ప్రైమ్‌షో ఎంటర్‌టైన్‌మెంట్‌ బ్యానర్‌పై కె.నిరంజన్‌ రెడ్డి, చైతన్య రెడ్డి ఈ చిత్రాన్ని నిర్మిస్తున్నారు. ఈ చిత్రంలో శ్రీకాంత్‌ ఇంపార్టెంట్‌ రోల్‌ పోషిస్తున్నారు. ఆదివారం శ్రీకాంత్‌ బర్త్‌ డే. ఈ సందర్భంగా విషెష్‌ అందిస్తూ మేకర్స్‌ శ్రీకాంత్‌ని బ్రిటీషు పాత్రలో పరిచయం చేస్తూ ఫస్ట్‌ లుక్‌ రిలీజ్‌ చేశారు. రగ్గడ్‌ హెయిర్‌, గడ్డంతో బ్లాక్‌ కోట్‌ ధరించి ఫెరోషియస్‌గా కనిపించిన శ్రీకాంత్‌ లుక్‌ అదిరిపోయింది. ప్రస్తుతం ఈ పోస్టర్‌ సోషల్‌ మీడియాలో వైరల్‌ అవుతోంది. ఇప్పటికే విడుదలైన కార్నేజ్‌ టీజర్‌ ట్రెమండస్‌ రెస్పాన్స్‌తో ఈ సినిమాపై బజ్‌ నెక్స్ట్‌ లెవల్‌కి తీసుకెళ్ళింది. ప్రస్తుతం చిత్రీకరణ శరవేగంగా సాగుతోంది. త్వరలోనే పోస్ట్‌ ప్రొడక్షన్‌ కార్యక్రమాలను కూడా పూర్తి చేసి, ఈ చిత్రాన్ని సెప్టెంబర్‌ 25న తెలుగు, తమిళం, హిందీ, కన్నడ, మలయాళం భాషల్లో పాన్‌ ఇండియా రిలీజ్‌ చేస్తాం అని మేకర్స్‌ తెలిపారు.
‘బ్రిటీషు’గా శ్రీకాంత్‌ –
Written by RAJU
Published on: