డైరెక్టర్‌ డా|| వీఎన్‌ ఆదిత్య రూపొందిస్తున్న గ్లోబల్‌ మూవీ ‘ఫణి’. ఈ థ్రిల్లర్‌ సినిమాను ఓ.ఎం.జీ ప్రొడక్షన్స్‌ బ్యానర్‌ పై ఏయు అండ్‌ ఐ స్టూడియో సమర్పణలో డాక్టర్‌ మీనాక్షి అనిపిండి నిర్మిస్తున్నారు. ఈ సినిమాలో హీరోయిన్‌ కేథరీన్‌ ట్రెస్సా లీడ్‌ రోల్‌లో నటిస్తున్నారు. మహేశ్‌ శ్రీరామ్‌ కీ రోల్‌ చేస్తున్నారు. హిందీతో పాటు తెలుగు, తమిళ, కన్నడ, మలయాళం ఇతర ప్రపంచ భాషల్లో ఈ సినిమాను విడుదల చేయబోతున్నారు. బుధవారం ఘనంగా జరిగిన ఈవెంట్‌లో దర్శకేంద్రుడు కె రాఘవేంద్రరావు చేతుల మీదుగా ఈ సినిమా మోషన్‌ పోస్టర్‌ను రిలీజ్‌ చేశారు.
దర్శకేంద్రుడు కె రాఘవేంద్రరావు మాట్లాడుతూ, ‘ఆదిత్య నా దగ్గర పని చేయలేదు. కానీ నాకు ఇష్టమైన వాడు. వారి సోదరి మీనాక్షి నిర్మాణంలో ఈ సినిమా చేస్తున్నాడు. కేథరీన్‌ అంటే ‘సరైనోడు’లో ఎమ్మెల్యే గుర్తొస్తుంది. ఇందులో ఎలాంటి రోల్‌లో కనిపిస్తుందనే అనేది ఆసక్తి కలిగిస్తోంది. ఈ సినిమా మంచి విజయాన్ని సాధించాలని కోరుకుంటున్నా’ అని అన్నారు.
ప్రొడ్యూసర్‌, మ్యూజిక్‌ డైరెక్టర్‌ డా.మీనాక్షి అనిపిండి మాట్లాడుతూ,’ఈ సినిమాలో కేథరీన్‌ నటనకు నేషనల్‌ అవార్డ్‌ వస్తుంది. ఈ చిత్రంలో ఆమెతో పాటు పాము క్యారెక్టర్‌ కీలకంగా ఉంటుంది’ అని చెప్పారు.
‘మా సొంత బ్యానర్‌లో చేస్తున్న సినిమా కావడంతో అన్ని బాధ్యతలు నేనే తీసుకున్నా. దీన్ని చిన్న చిత్రంగా మొదలుపెట్టాం. ఆ తర్వాత కేథరీన్‌ ఒప్పుకోవడంతో మరో స్థాయికి వెళ్లింది. అలా చివరకు గ్లోబల్‌ మూవీగా మారింది. త్వరలోనే ఈ చిత్రాన్ని గ్రాండ్‌గా మీ ముందుకు థియేట్రికల్‌ రిలీజ్‌ ద్వారా తీసుకొస్తాం’ అని డైరెక్టర్‌ డా.వీఎన్‌ ఆదిత్య
ప్రేక్షకుల్ని థ్రిల్‌ చేసే ‘ఫణి’
Written by RAJU
Published on:
