సప్తగిరి నటిస్తున్న చిత్రం ‘పెళ్లి కాని ప్రసాద్‌’. ఈనెల 21న థియేటర్లలోకి రానుంది. అభిలాష్‌ రెడ్డి గోపిడి దర్శకత్వం వహించిన ఈ చిత్రాన్ని థామ మీడియా ఎంటర్టైన్మెంట్స్‌ బ్యానర్‌పై విజన్‌ గ్రూప్‌ కె.వై.బాబు, భాను ప్రకాష్‌ గౌడ్‌, సుక్కా వెంకటేశ్వర్‌ గౌడ్‌, వైభవ్‌ రెడ్డి ముత్యాల కలిసి నిర్మించారు. చాగంటి సినిమాటిక్‌ వరల్డ్‌ సమర్పిస్తోంది. దిల్‌ రాజు నేతత్వంలోని శ్రీ వెంకటేశ్వర క్రియేషన్స్‌ ఈ చిత్రాన్ని రిలీజ్‌ చేస్తోంది. గురువారం ఈ మూవీ థియేట్రికల్‌ ట్రైలర్‌ రిలీజ్‌ చేశారు. ప్రసాద్‌కి 36 ఏళ్ళు దాటుతాయి. పెళ్లి గురించి మరింత ఆందోళన చెందుతాడు. అతను ఏజ్‌ బార్‌గా భావిస్తున్నప్పటికీ, కాలక్రమేణా ఎక్కువ అనుభవం వస్తుందని అతని తండ్రి అతనికి భరోసా ఇస్తాడు. అయినప్పటికీ, ఇంకేదైనా ఆలస్యం జరిగితే ఇక అవకాశం వుండదని ప్రసాద్‌ భయపడతాడు. మరోవైపు, హీరోయిన్‌ తననే కాకుండా తన మొత్తం కుటుంబాన్ని పోషించగల వరుడి కోసం వెతుకుతోంది. వీరిని విధి ఒకచోట చేర్చుతుందా? అనేది ట్రైలర్‌లో చాలా ఎగ్జైటింగ్‌, హిలేరియస్‌గా ప్రజెంట్‌ చేశారు. పెల్లి కాని ప్రసాద్‌ పాత్రలో సప్తగిరి తన హ్యుమరస్‌ పెర్ఫార్మెన్స్‌ తో ఆకట్టుకున్నాడు. ప్రియాంక శర్మకు మంచి పాత్ర లభించింది. మురళీధర్‌ గౌడ్‌, లక్ష్మణ్‌ పాత్రలు కామెడీ పోర్షన్‌ని మరింత పెంచింది అని చిత్ర యూనిట్‌ తెలిపింది.
పెళ్ళి కోసం తిప్పలు..
Written by RAJU
Published on: