ఉత్తరప్రదేశ్‌లోని సీతాపూర్‌లో పట్టపగలు ఒక జర్నలిస్టును కాల్చి చంపారు. మరణించిన జర్నలిస్ట్‌ను రాఘవేంద్ర బాజ్‌పాయ్‌గా గుర్తించారు. అతను ఒక జాతీయ దినపత్రికలో పని చేస్తు్న్నారు. ఈ ఘటనకు సంబంధించి సమాచారం అందుకున్న పోలీసులు సంఘటనా స్థలానికి చేరుకుంది. మృతదేహాన్ని స్వాధీనం చేసుకుని, కేసు దర్యాప్తు ప్రారంభించారు. పోలీసులు తెలిపిన వివరాల ప్రకారం, ఓవర్‌బ్రిడ్జి సమీపంలో బైక్‌పై వెళ్తున్న జర్నలిస్ట్ రాఘవేంద్రను అడ్డుకున్న దుండగులు హతమార్చినట్లు తెలిపారు.
ఓవర్‌బ్రిడ్జి సమీపంలో బైక్‌పై వెళ్తున్న జర్నలిస్ట్ రాఘవేంద్రను దుండగులు వాహనంతో ఢీకొట్టారు. రోడ్డుపై పడిపోయిన అతనిపై అనేక రౌండ్లు కాల్పులు జరిపారు. పోలీసులు ప్రస్తుతం నేరస్థులను గుర్తించి అరెస్టు చేసేందుకు ప్రత్యేక బృందాలను ఏర్పాటు చేశారు. పోలీసులు తెలిపిన వివరాల ప్రకారం, శనివారం మధ్యాహ్నం, జర్నలిస్ట్ రాఘవేంద్ర బాజ్‌పాయ్ ఏదో సంఘటనను కవర్ చేయడానికి తన కార్యాలయం నుండి బయలుదేరాడు. అతను ఇమాలియా సుల్తాన్‌పూర్ పోలీస్ స్టేషన్ ప్రాంతంలోని ఓవర్‌బ్రిడ్జి దగ్గరకు చేరుకోగానే, అప్పటికే దాక్కుని వేచి ఉన్న దుండగులు అతనిని తమ కారుతో ఢీకొట్టారు.
రాఘవేంద్ర రోడ్డుపై పడిపోయినప్పుడు, దుండగులు అతనిపై చాలా దగ్గరగా అనేక రౌండ్లు కాల్పులు జరిపారు. ఈ ఘటనలో రాఘవేంద్ర అక్కడికక్కడే మృతి చెందాడు. ఈ సంఘటన తర్వాత, నేరస్థులు అక్కడి నుండి పారిపోయారు. పోలీసులు తెలిపిన వివరాల ప్రకారం, మహోలి పట్టణంలో నివసించే రాఘవేంద్ర బాజ్‌పాయ్ చాలా కాలంగా జర్నలిజంలో కొనసాగుతున్నాడు. అతని మరణ వార్త అందిన వెంటనే, సీతాపూర్ ఎస్పీ నేరస్థులను పట్టుకోవడానికి వెంటనే ప్రత్యేక పోలీసు బృందాలను ఏర్పాటు చేశారు.
ఈ ఘటన వెనుక కొంత శత్రుత్వం ఉందని పోలీసులు అనుమానిస్తున్నారు. రాఘవేంద్ర ఇటీవల కొన్ని వార్తలను ప్రచురించారని, దాని కారణంగా దుండగులు భారీ నష్టాలను చవిచూశారని చెబుతున్నారు. కాగా పోలీసులు ఈ కోణం నుండి నేరస్థులను గుర్తించడానికి ప్రయత్నిస్తున్నారు. దీని కోసం జర్నలిస్ట్ రాఘవేంద్ర మొబైల్ ఫోన్ కాల్ వివరాలను కూడా పరిశీలిస్తున్నారు.
మరిన్ని క్రైమ్ వార్తల కోసం ఇక్కడ క్లిక్ చేయండి..