కళ్యాణ్‌ రామ్ నటిస్తున్న నూతన చిత్రం ‘అర్జున్‌ సన్నాఫ్‌ వైజయంతి’. ఈ చిత్రంలో విజయశాంతి పవర్‌ ఫుల్‌ పాత్రలో కనిపిస్తున్నారు. ప్రదీప్‌ చిలుకూరి దర్శకత్వం వహిస్తున్న ఈ చిత్రాన్ని అశోక క్రియేషన్స్‌, ఎన్టీఆర్‌ ఆర్ట్స్‌ బ్యానర్‌లపై అశోక్‌ వర్ధన్‌ ముప్పా, సునీల్‌ బలుసు నిర్మిస్తున్నారు. తాజాగా మేకర్స్‌ మ్యూజిక్‌ ప్రమోషన్స్‌ని స్టార్ట్‌ చేయబోతున్నారు.
ఈ సినిమా ఫస్ట్‌ సింగిల్‌ ‘నాయాల్ది..’ సాంగ్‌ని ఈనెల 31న రిలీజ్‌ చేస్తున్నారు. కళ్యాణ్‌ రామ్ స్టన్నింగ్‌ క్లాస్‌ లుక్‌లో, ఉర్రూతలూగించే మాస్‌ డ్యాన్స్‌ చేస్తూ కనిపించిన పోస్టర్‌ అదిరిపోయింది. బ్యాక్‌ డ్రాప్‌లో కార్నివాల్‌ వాతావరణం, డ్యాన్స్‌ ట్రూప్‌ పండుగ వైబ్‌ని పెంచుతోంది. ‘నాయాల్ది..’ మాస్‌ డ్యాన్స్‌ నెంబర్‌ అని పోస్టర్‌ సూచిస్తోంది. ఈ సినిమా కోసం అజనీష్‌ లోక్‌నాథ్‌ బ్లాక్‌ బస్టర్‌ ఆల్బమ్‌ కంపోజ్‌ చేశారు. సోహైల్‌ ఖాన్‌, సాయి మంజ్రేకర్‌, శ్రీకాంత్‌, యానిమల్‌ పథ్వీవీరాజ్‌ కీలక పాత్రల్లో నటిస్తున్నారు. ఈ సినిమా రిలీజ్‌ డేట్‌ ని మేకర్స్‌ త్వరలో అనౌన్స్‌ చేస్తారు.
‘నాయాల్ది..’ పక్కా మాస్‌ సాంగ్‌
Written by RAJU
Published on:
