Telangana Group 1 Mains Results 2025 : తెలంగాణలో గ్రూప్ 1 మెయిన్స్ పరీక్షలు ఇప్పటికే ముగిశాయి. ఫలితాల కోసం అభ్యర్థులు ఎంతో ఆసక్తిగా ఎదురుచూస్తున్నారు. అయితే తాజాగా..
ఎట్టకేలకు ఫలితాలు విడుదల
2022 ఏప్రిల్‌ నెలలో గ్రూప్ 1 ఉద్యోగాల భర్తీకి టీజీపీఎస్సీ కమిషన్‌ నోటిఫికేషన్ జారీ చేసింది. అదే ఏడాది అక్టోబర్‌లో ప్రిలిమ్స్ పరీక్షలు నిర్వహించింది. అనంతరం 1:50 నిష్పత్తిలో అభ్యర్థులను ఎంపిక చేసింది. ఇంతలో గ్రూప్ 1 ఎగ్జామ్ ప్రశ్నపత్రం లీక్ అయినట్లు నిర్ధారణ కావడంతో.. ఆ ఎగ్జామ్‌ను రద్దు చేసింది. ఆ తర్వాత 2023 జూన్ 11న రెండోసారి ప్రిలిమ్స్ నిర్వహించగా.. నిర్వహణ ప్రక్రియలో లోపాలు జరిగాయంటూ కొందరు అభ్యర్థులు రాష్ట్ర హైకోర్టును ఆశ్రయించారు.
ఈ వివాదంపై వాదనలు విన్న ధర్మాసనం.. పరీక్షను రద్దు చేయాలని ఆదేశించింది. దీంతో ఆ పరీక్ష కూడా రద్దయ్యింది. ఆ తరవాత కాంగ్రెస్ ప్రభుత్వం వచ్చాక 60 పోస్టులను కొత్తగా కలిపి మొత్తం 563 పోస్టులతో కొత్త నోటిఫికేషన్ విడుదల చేసింది. ఆ తర్వాత ప్రిలిమ్స్, ఫైనల్ ఎగ్జామ్స్ నిర్వహించడం వేగంగా జరిగిపోయింది. తాజాగా ఫలితాలను ప్రకటించింది. ఈ టీజీపీఎస్సీ గ్రూప్ 1 మెయిన్స్ ఎగ్జామ్‌కు 21,093 మంది అభ్యర్థులు హాజరయ్యారు. ఇక మంగళవారం (మార్చి 11) నాడు గ్రూప్ 2 ఫలితాలు విడుదల చేయనున్నారు. అలాగే.. మార్చి 20వ తేదీలోపు అన్ని పోటీ పరీక్షల ఫలితాలు విడుదల చేసే విధంగా కమిషన్‌ ప్రణాళిక రూపొందించింది.
టీజీపీఎస్సీ ఫలితాల విడుదల షెడ్యూల్
మార్చి 10 – గ్రూప్ 1 ఫలితాల విడుదల
మార్చి 11 – గ్రూప్ 2 జనరల్ ర్యాంకింగ్ జాబితా విడుదల
మార్చి 14 – గ్రూప్ 3 జనరల్ ర్యాంకింగ్ జాబితా విడుదల
మార్చి 17 – హాస్టల్ వెల్ఫేర్ ఆఫీసర్ (HWO) తుది ఫలితాల ప్రకటన
మార్చి 19 – ఎక్స్‌టెన్షన్ ఆఫీసర్ తుది ఫలితాల విడుదల
రచయిత గురించికిషోర్‌ రెడ్డికిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.… ఇంకా చదవండి