నందమూరి కళ్యాణ్‌ రామ్‌ మోస్ట్‌ ఎవైటెడ్‌ మూవీ ‘అర్జున్‌ సన్నాఫ్‌ వైైజయంతి. ఈ చిత్రంలో విజయశాంతి పవర్‌ ఫుల్‌ పాత్రలో కనిపించనున్నారు. ఈ యాక్షన్‌-ప్యాక్డ్‌ ఫ్యామిలీ ఎంటర్‌టైనర్‌లో ఈ రెండు పాత్రలు మధ్య డైనమిక్స్‌ కీలకంగా వుండబోతున్నాయి. ఇప్పటికే ఫస్ట్‌ లుక్‌ స్ట్రాంగ్‌ ఇంపాక్ట్‌ని క్రియేట్‌ చేసింది. ప్రదీప్‌ చిలుకూరి దర్శకత్వం వహించి ఈ చిత్రాన్ని అశోక క్రియేషన్స్‌, ఎన్టీఆర్‌ ఆర్ట్స్‌ బ్యానర్‌లపై అశోక్‌ వర్ధన్‌ ముప్పా, సునీల్‌ బలుసు నిర్మించారు.
తాజాగా ప్రీ-టీజర్‌ను మేకర్స్‌ రిలీజ్‌ చేశారు. రాబోయే ఇంటెన్స్‌ యాక్షన్‌, ఉత్కంఠను రుచి చూపించే అద్భుతమైన ప్రీ-టీజర్‌ విడుదలతో ఉత్సాహం న్యూ హైట్స్‌కి చేరుకుంది. ప్రీటీజర్‌లో కళ్యాణ్‌ రామ్‌ ఒక పడవపై కూర్చుని, సముద్రం వైపు చూస్తూ తన చూపులు కదలకుండా కనిపిస్తున్నారు. రక్తంతో తడిసిన అతని చొక్కా, అతని చుట్టూ ఉన్న అల్లకల్లోలాన్ని సూచిస్తుంది, పడవలు దగ్గరకు వస్తున్నప్పుడు అతని ఫెరోషియస్‌ లుక్‌ జరగబోయే పెద్ద యుద్ధాన్ని చూస్తోంది. ప్రీ-టీజర్‌ జరగబోయే బ్లాస్ట్‌కి టోన్‌ సెట్‌ చేసింది. ఇది యాక్షన్‌ రోలర్‌ కోస్టర్‌ను అందిస్తుంది. అజనీష్‌ లోక్‌నాథ్‌ స్వరపరిచిన నేపథ్య సంగీతం పవర్‌ఫుల్‌గా ఉంది. టీజర్‌ను ఈనెల 17న విడుదల చేయటానికి మేకర్స్‌ రంగం సిద్ధం చేశారు. సోహైల్‌ ఖాన్‌, సాయి మంజ్రేకర్‌, శ్రీకాంత్‌, యానిమల్‌ పథ్వీవీరాజ్‌ తదితరులు నటిస్తున్న ఈ చిత్రానికి రచన, దర్శకత్వం: ప్రదీప్‌ చిలుకూరి, నిర్మాతలు: అశోక్‌ వర్ధన్‌ ముప్పా, సునీల్‌ బలుసు, సంగీతం: అజనీష్‌ లోక్‌నాథ్‌, డీవోపీ: రామ్‌ ప్రసాద్‌, ఎడిటర్‌: తమ్మిరాజు, సమర్పణ: ముప్పా వెంకయ్య చౌదరి, స్క్రీన్‌ ప్లే: శ్రీకాంత్‌ విస్సా, ఆర్ట్‌ డైరెక్టర్‌: బ్రహ్మ కడలి, యాక్షన్‌: రామకృష్ణ, పీటర్‌ హెయిన్‌.
టీజర్‌ రిలీజ్‌కి రంగం సిద్ధం –
Written by RAJU
Published on: