కిస్‌మిస్‌లో సహజ చక్కెరలు ఫ్రక్టోజ్ , గ్లూకోజ్ పుష్కలంగా ఉంటాయి. ఇవి తక్షణ శక్తిని అందిస్తాయి. వ్యాయామం చేసేవారికి, క్రీడాకారులకు ఇది చాలా ఉపయోగకరంగా ఉంటుంది. కిస్‌మిస్‌లో ఫైబర్ అధికంగా ఉంటుంది, ఇది మలబద్ధకాన్ని నివారించడానికి జీర్ణక్రియను మెరుగుపరచడానికి సహాయపడుతుంది.
కిస్‌మిస్‌లో ఐరన్ పుష్కలంగా ఉంటుంది. ఇది ఎర్ర రక్త కణాల ఉత్పత్తికి అవసరం. రక్తహీనతతో బాధపడేవారికి ఇది చాలా ఉపయోగకరంగా ఉంటుంది. అంతేకాదు..కిస్‌మిస్‌లో కాల్షియం, బోరాన్ వంటి ఖనిజాలు ఉంటాయి. ఇవి ఎముకల ఆరోగ్యానికి సహాయపడతాయి.
కిస్‌మిస్‌లో పొటాషియం ఉంటుంది, ఇది రక్తపోటును తగ్గించడానికి సహాయపడుతుంది. కిస్‌మిస్‌లో యాంటీఆక్సిడెంట్లు పుష్కలంగా ఉంటాయి. ఇవి శరీరంలోని ఫ్రీ రాడికల్స్‌తో పోరాడటానికి సహాయపడతాయి. తద్వారా కణాలను దెబ్బతినకుండా కాపాడతాయి. ఎండుద్రాక్షలను రాత్రంతా నీటిలో నానబెట్టి తినడం వల్ల మీ గుండెకు చాలా మేలు చేస్తుంది.. దీన్ని తినడం వల్ల శరీరంలో చెడు కొలెస్ట్రాల్ తగ్గి మంచి కొలెస్ట్రాల్ పెరుగుతుంది.
కిస్‌మిస్‌లో విటమిన్ ఎ, బీటా కెరోటిన్, యాంటీఆక్సిడెంట్లు ఉంటాయి, ఇవి కంటి ఆరోగ్యాన్ని మెరుగుపరుస్తాయి. కిస్‌మిస్‌లో యాంటీఆక్సిడెంట్లు, విటమిన్ సి ఉంటాయి, ఇవి చర్మాన్ని ఆరోగ్యంగా ఉంచడానికి సహాయపడతాయి. కిస్‌మిస్‌లో ఫైబర్, సహజ చక్కెరలు ఉంటాయి. ఇవి కడుపు నిండిన అనుభూతిని కలిగిస్తాయి. తద్వారా బరువు నిర్వహణకు సహాయపడతాయి.
కిస్‌మిస్‌ను రాత్రంతా నీటిలో నానబెట్టి ఉదయం తినడం వల్ల వాటి పోషక విలువలు పెరుగుతాయి. నానబెట్టిన కిస్‌మిస్‌ను తినడం వల్ల జీర్ణక్రియ మెరుగుపడుతుంది. మలబద్ధకం తగ్గుతుంది.
నానబెట్టిన కిస్మిస్ నీటిని త్రాగటం వల్ల శరీరానికి చాలా పోషకాలు అందుతాయి. కిస్‌మిస్‌లో చక్కెర శాతం ఎక్కువగా ఉంటుంది. కాబట్టి మధుమేహం ఉన్నవారు వీటిని మితంగా తీసుకోవాలి.
