రాజ్యాంగ రూపశిల్పి బాబా సాహెబ్‌ అంబేద్కర్‌ 135వ జయంతి సందర్భంగా ‘అగ్రహారంలో అంబేద్కర్‌’ సినిమా ఫస్ట్‌ లుక్‌ని లాంచ్‌ చేశారు. ఈ ఫస్ట్‌లుక్‌ లాంచ్‌కి ముఖ్య అతిథిగా హాజరైన తెలంగాణ అధికారపక్ష ఎమ్‌.ఎల్‌.సి అద్దంకి దయాకర్‌ మాట్లాడుతూ, ‘ఇప్పటికే పలు ప్రతిష్టాత్మక అంతర్జాతీయ చలన చిత్రోత్సవాలలో పురస్కారాలు అందుకున్న ఈ చిత్రాన్ని రామోజీ – లక్షమోజి ఫిల్మ్స్‌ పతాకంపై మంథాని కష్ణచైతన్య స్వీయ దర్శకత్వంలో నిర్మించారు. హీరో కూడా ఆయనే కావడం విశేషం. మెల్లగా మరుగున పడుతున్న అంబేద్కర్‌ భావజాలాన్ని విశ్వవ్యాప్తం చేయడమే లక్ష్యంగా తెరకెక్కిన ఈ చిత్రం విడుదలకు పూర్తి సమయ సహకారాలు అందిస్తాం. మన దేశ రాజ్యాంగ సష్టికర్త అయిన అంబేద్కర్‌ను ప్రతి ఒక్కరూ గౌరవించాలని, ప్రతి స్కూల్‌లో ఆయన విగ్రహాన్ని ప్రతిష్టించాలని కోరుతున్నాను’ అని అన్నారు.ఇంకా ఈ వేడుకలో దర్శకులు చంద్రమహేష్‌, నిర్మాత తుమ్మలపల్లి రామసత్యనారాయణ, సంతోషం సురేష్‌, సీనియర్‌ హీరో రాంకి, తెలంగాణ ఛాంబర్‌ ఆఫ్‌ కామర్స్‌ అండ్‌ ఇండిస్టీస్‌ చైర్మన్‌ హరి గోవింద ప్రసాద్‌, మేకర్స్‌ ఆఫ్‌ మిల్క్‌ షేక్స్‌ సి.యి.ఓ రాహుల్‌, రాయల్‌ రిడ్జ్‌ ప్రాపర్టీస్‌ సి.యి.ఓ శ్రీవికాస్‌, సివిల్‌ కోర్ట్‌ జడ్జి సురేష్‌, అంబేద్కర్‌ యాక్టివిస్ట్‌ అనిత, సినిటేరియా మీడియా వర్క్స్‌ అధినేత వెంకట్‌ బులెమాని పాల్గొని, ఈ సినిమా అసాధారణ విజయం సాధించాలని ఆకాంక్షించారు.
ఈ చిత్రాన్ని సినిటేరియా మీడియా వర్క్స్‌ ద్వారా ప్రపంచవ్యాప్తంగా విడుదల చేసేందుకు సన్నాహాలు చేస్తున్నామని, కుల మత ప్రాంత, వర్గ వైషమ్యాలకు అతీతంగా సమాజ స్థాపన కోసం కషి చేసిన అంబేద్కర్‌కు గొప్ప నివాళిగా ఈ చిత్రాన్ని ఎన్నో వ్యయప్రయాసలతో తెరకెక్కించామని హీరో, ప్రొడ్యూసర్‌, డైరెక్టర్‌ మంథాని కష్ణచైతన్య తెలిపారు.
